Madaxweynaha Somaliya Oo Kulamo Kala Duwan La Qaatay Dadka Reer Garbahaarey

[malistar2012]

 

 

Madaxweynaha Jamhuuriyada Federalka ee Somaliya Xasan Sheekh Maxamuud iyo wefdi uu horkacaayo oo maanta gaaray Magaalada Garbahaarey ee Gobolka Gedo, ayaa si diiran loogu soo dhaweeyay.

 

Wefdiga Madaxweynaha, ayaa waxa uu kulamo la qaatay Maamulka Degmada, Saraakiisha Ciidamada, Odayaal Dhaqanka ee Deegaanka, Haweenka, Dhalinyarada. Wuxuuna Madaxweynuhu ka dhageystay macluumaad la xiriira abaaraha ka jira Gobolka.

 

Madaxweynaha Somaliya iyo wefdigiisa, ayaa kormeer ku tagey qaybo ka mid ah Xarunta Gobolka Gedo ee Magaalada Garbahaarey, markii ay kulamada soo gaba gabeeyeen.

 

Madaxweynaha, ayaa isha la soo raacay Xero Militari, oo ay ku xareysan yihiin qiyaastii kun (1,000) askri, oo isugu jira Ciidamada Dowladda iyo kuwa Ahlu Sunada Gobolada Koonfureed.

 

 

Madaxweyne Xasan Sheekh Maxamuud oo shir jaraa'id ku qabtay Magaalada Garbahaarey, ka hor intii aanu ka soo amba bixin, ayaa waxa uu qiray in xaalad adag oo xagga nolosha ah, ay ka jirto Gobolka Gedo.

 

Madaxweynuhu wuxuu xusay inaanay Dowladdu lahayn itaal badan, ha yeeshee ay la xanuunsan doonto dadka reer Gedo, ee abaaraha soo xoogeysanaaya wajahaaya.

 

Madaxweynaha, ayaa wuxuu shacabka Somaliyeed iyo Caalamkuba uu ugu baaqay in gargaar loo fidiyo dadka degan Gobolka Gedo, xilli Gobolka Gedo uu ka jiro abaaro.

 

 

 

 

 

 

769

views

-1

votes

Facebook Disqus Google+ Livefyre

 

[malistar2012]