Madaxweyne Xasan iyo Proff Jawaari oo Baydhabo kulamo kula qaatay Odayaasha dhaq

[malistar2012]

 

Wararka laga helaayo magaalada Baydhaba ee xarunta gobalka Bay ayaa waxa ay sheegayaan in halkaas ay ka soconayaan kulumo xasaasi ah oo ay ka qeyb galayaan M/weynaha DFSomalai iyo gudoomiyaha Baarlamaanka.

 

Kulankaan ayaa waxaa ka qeyb galaayo qaar ka tirsan xubnaha sheeganaayo maamul goboleedyo is qilaafsan oo dhawaan magaalada Baydhaba looga dhawaaqay.

 

M/weyne Xasan Sheekh ayaa maalintii labaad ku sugan Baydhaba isaga oo u jooga sidii uu kaga dhaadhicin lahaa Odayaasha iyo siyaasiyiinta halkaas jooga in ay hal maamul sameystaan isla markaana ay ka tagaan gobolada maamulada u sameysan yihiin ay Dowladda aqoonsan tahay.

 

Sidoo kale M/weynaha ayaa raba in beelaha dega gobolada Bay iyo Bakool ay sameystaan maamul sadax gobal oo ay ku jirto Sh/Hoose markaasna ay dowladda aqoonsan doonto balse loo baahan yahay in laga tanaasulo maamulka Lixda gobal oo ay wadaan.

 

Dhanka kale shirka hadda socda waxaa ku jira siyaasiyiin ay ka mid yihiin Madoobe Nuunoow,Aden Madoobe ,Xaabsade iyo C/fataax Geeseey kuwaas oo hogaamiyayaal ka ah maamulka lixda gobal.

 

Dhanka kale banaanbaxyo ayaa waxa ay ka soconayaan magaalada Baydhabo kaas oo M/weynaha looga dalbanaayo in uusan tagi Hoteelka Bakiin oo ay ku suga yihiin dhinacyada hogaaminaayo maamulka sadaxda gobal.