Puntland : “Aad baan uga argagaxnay markii aan maqalnay Siilaanyo ayaa jooga Laa

[malistar2012]

 

 

 

 

 

Maamulka Puntland ayaa si kulul uga hadlay socdaal dhuumasha ah oo uu Xalay ku Tagey Degmada Laasqorey Madaxweynaha Maamulka somaliland Axmed Silaanyo.

 

Shir Jaraa”id oo uu maanta ku qabtay Magaalada Garowe ee Caasimada Puntland Wasiirka Warfaafinta Cabdiwali Xirsi Cabdulle (Indhoguran) ayaa si kulul u weraaray Xukumada Silaanyo.

 

Indhoguran ayaa ku tilmaamay Socdaalka Siilaanyo daandaansi hor leh oo lagu sameeyay dhulka Puntland,wuxuna ka digay wax kasta oo keeni kara colaad dhexmari karta Puntland iyo Somaliland.

 

”Puntland waxay diyaar u tahay inay difaacdo xaduudeeda waxayna ka digaysaa wax kasta oo keeni kara colaad dhexmarta dariskeeda iyo isku dhac maamuleed,waxan aad uga xun nahay dhacdaasi dhacday anagoo ka fakaraynay darisnimo iyo wanaagsan”.

 

Wafdi uu hoggaaminayo madaxwaynaha Somaliland ayaa saakadii hore waxa ay socdaal dhuumaalaysi ah ku tageen degmada Laasqoray oo ka tirsan Puntland ,Siilaanyo ayaa booqday goobo muhiim ah oo degmadaasi ku yaala.

 

Dhinaca kale Wararka ka imaanaya laasqorey ayaa shegaya in Wafdi wasiira ah oo Puntland kasocda ay Saaka Tageen Lasqorey ,isla markana Boqolaal dadweynaha ah ay kula hadleen Magaalada Laasqorey.