Shirkada Jazeera Estate oo heshiis la gashay shirkado biyo iyo koronto gelinaya deegaanka

[malistar2012]

Shirkada Jazeera Estate oo heshiis la gashay shirkado biyo iyo koronto gelinaya deegaanka

 

 

 

Shirka Jazeera Estate ayaa maanta soo bandhigtay Shirkado ay heshiis kula gashay inay biyo iyo koronto geliyaan dhulka laga dhisi doono deegaanka Jazeera ee loogu magac daray Real Estate.

 

Munaasabad lagu soo bandhigayay heshiiskan oo ka dhacday maata Hotelka Jazeera ayaa waxaa hadalo ka jeediyay Mas'uuliyiinta Shirkadaha deegaanka ka dhisaya dhulka Jazeera iyo shirkada korontada iyo biyaha gelinaya.

 

Gudoomiyaha Shirkada Jazeera Estate Iimaan Maxamed Cali ayaa ka hadlay halka ay mareyso dhismaha casriga ee laga hirgelinayo deegaanka Jazeera, kaasoo noqonaya deegaan dhan oo u dhisan qaababka guryaha caalamiga, waxaana uu lahaan doonaan dhamaan adeegyada aas aasiga u ah bulshada, sida Koronto, Biyo, Taleefan, Internet iyo iwm.

 

Iimaan Maxamed Cali ayaa sheegay in dhagax dhiga rasmiga ee dhismahan uu bilaaban doono 1-4-2014, waxaana uu noqon doonaa deegaankii ugu horeeyay qaab casri u dhisan sida dalalka horumaray oo kale oo laga dhiso deegaanka Jazeera.

 

Sidoo kale waxaa ka hadlay munaasabada Mohamud Omar Aadan oo ah milkiilaha shirkada la siiyay biyo gelinta dhulka, waxaana uu sheegay in dhamaan deegaankaas ay gelin doono biyo nadiif ah.

 

Deegaanka Casriga ee Real Estate ayaa waxaa uu yeelan doonaan dhismayaal isugu jira Hotelo, Guryo Villa ah, Masaajid, Saldhig Boolis, Xarun Caafimaad iyo goobo lagu nasto oo Jardiino ah, Barkado lagu dabaasho, waxaana guryahaas loo qalabeyn doonaa sida guryaha casriga ee caalamka, iyadoo dhowaan la soo bandhigay naqshadaha deegaankan laga dhisayo Jazeera.

 

 

 

 

excellent with stability and peace Mogadishu will surplus African capitals in-terms of infrastructure and beauty