garowe clan enclave:electoral committee chairman resigns after election process resulted in failure

[Xaaji Xunjuf]

Guddoomiyihii guddiga doorashooyinka Puntland oo iscasilay

 

Garowe(Puntlandi.com):- War rasmi ah oo soo gaaray warqabadka warbaahinta Puntland ee magaalada Garowe ayaa sheegaya in uu iscasilay guddoomiyihii guddiga doorashooyinka ee Puntland Maxamed Xasan Barre.

 

Inkastoo xogtani ay tilmaamayso in todobaad ka hor uu guddoomiyuhu Madexweynaha Puntland u gudbiyay Warqadii Iscasilaadiisa, hadana waxaa loo sababaynayaa doorashooyinkii hakaday ee Puntland ka dhici lahaa iyo Nidaamkii doqmoraadiyada Puntland oo sidii la rabay aan u hirgalin.

 

Wararku waxay sheegayaan in isla maalmihii uu Warqada Iscasilaada ah Guddoomiyuhu gudbiyay uu dalka ka dhoofay una ambabaxay Wadanka Ingiriiska halkaas oo uu degan yahay.

 

Ma jirto cid dawlada ka tirsan oo arrintan ka hadashay iyo cid loo magacaabay midna waxayse imaanaysaa xilli horay xubno badan oo guddigan ka mid ah ay isku casileen, lana joojiyay doorashadii ugu horaysay ee ka dhici lahayd Puntland ee qaybta ka ahayd Nidaamka Dimoqraadiyada ee Puntland.