SFG stepping up security , New and discipline professional security force will are take over Mogadi

[malistar2012]

Waddooyinka Waaweyn ee Muqdisho oo Qaarkood la xiray iyo Xukuumadda oo sheegtay inay Howlgelinayso Ciidammo cusub

Isniin, July 22, 2013 (HOL) — Waddooyinka waaweyn ee Muqdisho qaar ka mid ah ayaa maanta la xiray, iyadoo dowladduna ay sheegtay inay dhawaan howlgelin doono ciidammo cusub oo aan horay loo arag, kuwaasoo sugaya ammaanka guud ee caasimadda Soomaaliya.

 

Jidadka xiran ayaa waxaa ka mid ah midka isku xira isgoysyada Banaadir iyo Zope ee Muqdisho oo ay ku taallo wasaaradda arrimaha dibadda ee Somalia iyo waddada KM-4 ee tagta safaaradda Turkiga ee Muqdisho.

 

Inkastoo saraakiisha dowladda Soomaaliya iyo hay’adaha ammaanka aysan ka hadlin sababa keenay in la xiro waddooyinkan ayaa waxaa haddana ay ciidamada halkaas ilaalada ka haya kuu sheegayaan in loo xiray sababo la xiriira dhinaca ammaanka.

 

Xiridda waddooyinkan ayaa waxay imaanaysaa iyadoo Al-shabaab ay maalin ka hor kusoo bandhigtay degmada Baraawe ciidamo cusub oo wata gaadiid kuwa dagaalka ah, kuwaasoo ay sheegtay inay kula dagaalamayso dowlada Soomaaliya iyo AMISOM.

 

Dhanka kale, wasiirka warfaafinta dowladda Soomaaliya, C/laahi Ciil-mooge Xirsi ayaa sheegay in dhawaan Muqdisho ay ka howlgeli doonaan ciidammo cusub oo aan horay loo arag si ay u sugaan ammaanka caasimadda.

 

“Ciidammo cusub ayaa dhawaan ka howlgeli doona Muqdisho, kuwaasoo ka hortegi doona falalka ammaan-darrada ah, waxaana rajeynayaa inay taasi wax badan ka bedeli doonta ammaanka,” ayuu yiri Ciil-mooge oo intaas ku daray in dowladdu ay waddo qorshe cusub oo amniga lagu sugayo.

 

Magaalada Muqdisho ayaa waxaa dhawaanahan ka dhacayay falal ammaan-xumo oo isugu jira qaraxyo iyo dilal qorsheysan oo ay geysanayaan kooxo hubeysan oo aan la garanayn.

 

Maxamed Xaaji Xuseen, Hiiraan Online

maxuseen@hiiraan.com

Muqdisho, Soomaaliya

[Saalax]

Professional security forces and Mogadishu in the same sentence is a oxymoron.

[malistar2012]

Taliyaha Nabadsugida Gobolka Banaadir ayaa loo magacaabay Col. Maxamed Aadan Jimcaale (Koofi), isagoo bedelaya Taliyihii hore Nabadsugida Gobolka Banaadir Khaliif Axmed Ereg oo xilkaas hayay mudadii ugu dheereyd.

 

Inkastoo wali aanay si rasmi ah dowladda Soomaaliya u shaacin magacaabista Taliyaha ayaa hadana warar ay heshay Jowhar.com oo ka soo xigatay ilo muhiim ah ay ku ogaatay in xilka Taliyaha Nabadsugida Gobolka Banaadir loogu magacaabay Col. Maxamed Aadan Koofi.

 

Waa nin dhalinyaro ah isla markaana xirfadiisa ciidanimo ku soo qaatay dalalka Soomaaliya, Sudan iyo Jabuuti, waxaana lagu yaqaanaa karti, firfircooni iyo daacadnimo sida dad ku dhow dhow ay sheegeen.

 

Koofi ayaa horay uga mid ahaa Maxkamadihii islaamiga, waxaa uu shantii sano ee u dambeeyay ka shaqeeyay Madaxtooyada Villa Soomaaliya oo ahaa Kuxigeenka Ilaalada gaarka ahaa Madaxtooyada, gaar ahaan Ilaaladii Madaxweynihii hore ee Soomaaliya Shariif Sheekh Axmed.

 

Col. Koofi ayaa waxaa uu bare ka ahaa Jaamacado kala duwan oo dalka gudihiisa oo uu wax ku bartay, sidoo kale waxaa uu Shahaadada Master ku soo qaatay jaamacad ku taal Uganda oo uu ka diyaariyay Maamulka iyo Maareynta.

 

[Cambuulo iyo bun]

Finally we've been waiting for this the whole month here in xamar, ciidamada Nabad sugidda have done a great job securing the city however those ciyaal suuq police and miltary should be dealt with

[malistar2012]

Mas’uuliyiin ka Socday Gobolka Banaadir iyo Booliiska Soomaaliya oo xalay kormeeray Degmooyin ka Tirsan Muqdisho

Talaado, July 23, 2013 (HOL) — Mas’uuliyiin ka tirsan maamulka gobolka Banaadir iyo taliska booliiska Soomaaliy ayaa xalay kormeer ku sameeyay degmooyin dhowr ah oo ka tirsan magaalada Muqdisho, iyadoo kormeerkan uu ahaa mid lagu ogaanayo sida ay ciidamada ammaanku u shaqeeyaan.

 

Guddoomiye ku xigeenka dhinaca ammanka ee gobolka Banaadir, Warsame Maxamed Xasan (Joodax) oo hoggaaminayay xubnaha kormeerka sameeyay oo la hadlay warbaahinta ayaa sheegay in kormeerkooda habeenimo ay ku eegayaan sida ammaanka caasimadda uu yahay.

 

“Kormeerkeennan waxaa ku eegaynaa sida ay tahay xaaladda ammaan ee gobolka Banaadir, degmooyinkii aan booqannayna waxay ahaayeen kuwo ay ka socotay howlo lagu sugayo ammaanka, waana ka mahadcelinaynaa,” ayuu yiri Warsame Joodax.

 

Degmooyinka kormeerka lagu sameeyay ayaa kala ahaa, C/caasiis, Xamar-weyne, Shingaani iyo Xamar-jajab, waxaana intii ay mas’uuiyiintan ku jireen kormeerkooda ay la kulmeen mas’uuliyiinta degmooyinka iyo qaar ka mid ah kuwa xaafadaha degmooyinkaas, iyagoo ka dhageystay warbixinno amniga ku saabsan.

 

Xoghayaha maamulka gobolka Banaadir, C/kaafi Hilowle Cismaan oo ka mid ahaa mas’uuliyiinta kormeerka sameynayay xalay ayaa sheegay in howshan ay tahay mid lagu xoojinayo ammaanka Muqdisho, degmadii guul ka gaarta sugidda amniga ay heli doono abaalmarin lacageed.

 

“Howshan kormeerka ah waa mid socon doonta, waxaana si aan la ogeyn ku tegi doonnaa degmooyinka gobolka Banaadir qaarkood habeen walba, si aan u kormeerno sida ay howluhu u socdaan, runtiina kormeerkeennii xalay guul ayuu ku dhammaaday,” ayuu yiri Hilowle oo la hadlay warbaahinta.

 

Guddoomiyeyaasha degmooyinka la booqday iyo taliyayaasha saldhigyada oo iyaguna hadlay ayaa sheegay inay habeenkii oo dhan soo jeedaan si ay u xoojiyaan ammaanka degmooyinkooda si aysan u dhicin falal ammaanka ka soo horjeeda.

 

Tallaabadan ayaa waxay kusoo beegmaysaa xilli baqdin weyn laga qabo in Al-shabaab ay weerarro ka geysato magaalada Muqdisho, maadaama lagu jiro bisha barakeysan ee Ramadaan oo kooxdan looga bartay inay weerarro xooggan ka fuliso Muqdisho.

 

Maxamed Xaaji Xuseen, Hiiraan Online

maxuseen@hiiraan.com

Muqdisho, Soomaaliya

[malistar2012]

Howshan kormeerka ah waa mid socon doonta, waxaana si aan la ogeyn ku tegi doonnaa degmooyinka gobolka Banaadir qaarkood habeen walba, si aan u kormeerno sida ay howluhu u socdaan, runtiina kormeerkeennii xalay guul ayuu ku dhammaaday,” ayuu yiri Hilowle oo la hadlay warbaahinta.

 

Guddoomiyeyaasha degmooyinka la booqday iyo taliyayaasha saldhigyada oo iyaguna hadlay ayaa sheegay inay habeenkii oo dhan soo jeedaan si ay u xoojiyaan ammaanka degmooyinkooda si aysan u dhicin falal ammaanka ka soo horjeeda.

Good Job very well done congrats to the Mogadishu admin for taking steps to Make the City safe and stable .