Howlgalka UNSOM oo ka Bilowday Somalia

[malistar2012]

 

 

Hawlgalka Xafiiska Cusub ee Qaramada Midoobay ee Soomaaliya ee UNSOM oo ay wada hoos iman doonaan hawlaha taageerada arrimaha amniga, maamul wanaagga iyo xuquuqda aadanaha ayaa maanta ka bilowday Somalia.

 

Xafiiska UNSOM ayaa beddeli doona kii ka horeeyey ee UNPOS ee uu madaxa ka ahaa Dr. Augustine Mahiga, iyada oo Nicholas Kay oo u dhashay dalka Britain uu hogaamin doono xafiiskan cusub.

 

Ergeyga cusub, Nicholas Kay ayaa ka hawlgali doona magaalada Muqdisho, waxana la filayaa inuu dhawaan booqdo Somaliland.

 

Warbixin iyo wareysi la xiriira waxqabadkii UNPOS iyo waxa xafiiska cusub ee UNSOM la fili karo, hoosta ka dhageyso.

 

Xafiiska Siyaasadda ee cusub ee QM

[malistar2012]

Kusimaha Madaxweynaha oo kulan la qaatay danjiraha Q.M ee Soomaaliya “sawirro”

Published on June 3, 2013 by Canab · No Comments · 662 views

Mr nicholas Kay u qaabilsanaha Qaramada Midoobay arrimaha Soomaaliya ayaa kulanka uu maanta la qaatay kusimaha Madaxweynaha ahna guddoomiyaha Baarlamaanka jamhuuriyadda Soomaaliya Mudane Maxamed Shiiq Cusmaan “Jawaari” waxa uu ahaa mid looga hadlayay wajiga cusub ee howlgalka Qaramada Midoobay ee Soomaaliya iyo xafiiskan cusub ee UNSOM sida uu u waji lahaa howlaha uu u xilsaaranyahay.

 

Kulanka dhaxmaray danjiraha Q.M. ee Soomaaliya Nicholas Kay iyo Guddoomiyaha Baarlamaanka ahna kusimaha madaxweynaha waxaa goob joog ka ahaa guddoomiye kuxigeenka koowaad ee Baarlamaanka iyo guddoomiyaasha gudiyada joogtada ah ee golaha shacabka, markii uu soo gaba gaboobay ayeyna si wadajir ah warbaahinta u la hadleen Mudane Maxamed Cusmaan iyo Nicholas Kay.

 

Ugu horeyntii waxaa saxaafadda la hadlay ku simaha Madaxweynaha ahna afhayeenka Baarlamanka Soomaaliya waxa uuna sheegay in lagama maarmaan ay tahay in dowladda Soomaaliya laga caawiyo howlaha badan ee wax loogu qabanayo dalka iyo dadka isagoona rajo wanaagsan ka muujiyay guddoomiyaha in UNSOM ay wax badan kala qaban doonto.

 

Mr Nicholas Kay danjiraha cusub ee Q.M u qaabilsan Soomaaliya ayaa dhankiisa muujiyay sida uu diyaarka ugu yahay inuu si daacad ah uga shaqeeyo arrimaha Soomaaliya oo loo xilsaaray.

 

Golaha Amaanka ee Q.M. ayaa kulan ay Labadii bishii May ee sanadkan kulan ay yesheen waxa ay isku raaceen in la furo wajiga cusub ee howlgalka Qaramada Midobay ee ku aadan kaalmada Soomaaliya oo ay ugu magac dareen UNSOM kaas oo badalay xafiiska siyaasida Q.M u qaabilsanaa ee UNPOS kaas oo shaqadiisa ku ekeed maanta oo ay taarikhdu tahay 03.06.2013-ka.

[malistar2012]

Guddoomiyaha Baarlamaanka oo la kulmay Ergayga cusub ee Qarammada Midoobay ee Arrimaha Soomaaliya (SAWIRRO)

 

Isniin, Juun 03, 2013 (HOL) — Guddoomiyaha baarlamaanka Soomaaliya, Prof. Maxamed Sheekh Cismaan (Jawaari) isla markaana ah sii hayaha xilka madaxweynimo ee Soomaaliya ayaa maanta kula kulmay Muqdisho ergayga cusub ee Qaramada Midoobay ay u soo magacowday Soomaaliya, Nicholas Key.

 

Kulanka ayaa waxaa looga hadlay wajiga cusub ee howgallada Qaramada Midoobay ee Soomaaliya iyo xafiiska cusub ee Qaramada Midoobay ay ka furanayso xarunta Soomaaliya ee Muqdisho.

 

“Waxaa lagama maarmaan ah in xafiiska cusub uu dowladda Soomaaliya ka caawiyo howlo badan oo wax looga qabanayo dalka, waxaana rajeynayaa in xafiiska cusub ee UNSOM uu wax badan la qaban doono dowladda iyo dadka Soomaaliyeed,” ayuu yiri Prof. Jawaari oo si wadajir ah shir jaraa’id ula qabtay ergayga cusub.

 

Guddoomiyuhu wuxuu sheegay in dowladda Soomaaliya ay xafiiskan si aad ah u soo dhaweynayso, ayna ka filayso inuu la yimaado howlkarnimo la mid ah tii uu hayay xafiiskii UNPOS oo howshiisu ay maanta ku ekeyd.

 

 

 

Sidoo kale, Nicholas Kay oo isna warbaahinta la hadlay ayaa sheegay inuu ku kalsoon yahay in xafiiska cusub ee Qaramada Midoobay uu kaalin mug leh ka geysn doono wax ka qabanashada arrimaha Soomaaliya, isagoo aad u ammaanay ergaygii ka horreeyay.

 

“Xafiiska cusub wuxuu saldhiggiisu noqon doonaa Muqdisho, wuxuuna diyaar u yahay inuu si daacad ah uga shaqeeyo arrimaha Soomaaliya oo xoghayaha guud ee Qaramada Midoobay uu u soo xilsaaray,” ayuu Key hadalkiisa ku daray.

 

Ergayga cusub ayaa wuxuu maanta si rasmi ah howshii Qaramada Midoobay ee Soomaaliya kala wareegay dajirihii hore, Augustine Mahiga oo Somalia ka shaqeynayay muddo saddex sannadood ah.

 

Howgalkan cusub ee Qaramada Midoobay ayaa waxaa lagu tilmaamay mid wax weyn ka bedelnaan doona howlgalladii hore, iyadoo howshiisa ay kusoo beegmayso xilli ay dalka ka jirto dowlad rasmi ah, lagana soo gudbay xilligii KMG ahaa.

[malistar2012]

 

 

 

 

“Xafiiska cusub wuxuu saldhiggiisu noqon doonaa Muqdisho, wuxuuna diyaar u yahay inuu si daacad ah uga shaqeeyo arrimaha Soomaaliya oo xoghayaha guud ee Qaramada Midoobay uu u soo xilsaaray,” ayuu Key hadalkiisa ku daray.

 

“Waxaan ku faraxsanahay inaan Muqdisho imaado iyo inaan helo fursad aan ku taageero dowladda Federaalka iyo dadka Soomaaliyeed si dib loogu soo celiyo nabaddii Soomaaliya,” ayuu yiri Nicholas Key markii uu Muqdisho ka soo dagay.

“Waxaan ku han-weynahay oo aan rajaynaynaa in sannadka 2016 Somalia laga qabto doorasho ay dadku kusoo doortaan madaxda hoggaamin doonta, caqabayada na horyaallana aad ayay u badan yihiin, laakiin waa inaan shaqo badan qabano si aan uga gudubno dhammaan caqabadaha horteenna yaalla.

 

 

“Waxaan daneynayaa inaan xiriir adag la sameysto dhammaan dadka ka shaqeynaya maslaxadda dowladda iyo dadka Soomaaliyeed. Marka ugu horreysa, shaqaalaheenna waxay saldhig ka dhigan doonaan magaalooyinka Muqdisho, Hargeysa, Garoowe iyo Baydhabo, waxaana ka go’an in Soomaalida oo dhan ay la shaqeeyaan,” ayuu hadalkiisa raaciyay.

[malistar2012]

Good to see IC and UN working hard with FG to stabilize Somalia and form chain of command ....................

 

 

No more running to our Neighbor s Nations capital Xamar Caadey will be the Power broker ... .. era of double dealing will end a united Somali with strong economic and security force will emerge .

 

 

One man one vote from From Zaylac to Rasskomboni scheduled for 2016