Dr_Osman Posted May 2, 2013 Gen.Shire oo dhagax dhigey xarunta Waxbarashada 2 May 2, 2013 - 2:21:51 AM GAROWE ONLINE Madaxweyne ku xigeenka Puntland Gen.Cabdisamad Cali Shire ayaa maanta 02 May,2013 duleedka Garowe ku dhagax dhigey xarun cusub oo ay yeelaneyso Wasaarada Waxbarashada Puntland. Wasiirka Waxbarashada Cabdi Faarax Juxa ,Wasiirka arrimaha gudaha Gen.Cabdulahi Axmed Jaamac Ilkajir ,Agaasimaha guud Maxamed Cabdiwahaab Axmed,hawlwadeenada wasaarada, masuuliyiin ka socotey hayada caalamiga ah iyo shirkada dhiseysa xaruntan ayaa ka soo qaybagaly dhax dhiga. Wasiir Juxa ayaa sheegey in dhulkan uu ka koobanyahay 160x120 ,waxana uu u mahadceliyey dowladda Hoose ee degmada Garowe oo ka shaqeysey dhulkan ,isagoona xusey in xarunta dhexe ee wasaaradu buuxsantay. Madaxweyne ku xigeenka Puntland ayaa sheegey dhankiisa in dowladdu wado qorshe wasaaradaha looga soo dhex saarayo maagaalada gudaheeda ,islamarkaasina haatan ay qaybtood shaqadu toos uga socoto. Dhismahan ayuu ku tilmaamay Gen.Shire mid wax wayn ka tari doona waxbarashada ubadka reer Puntland,mahadna u soo jeedshey dhamaan intii ka soo shaqeysey. Dhanka kale waxa uu tacsi u direy madaxweynaha dowlad deegaanka Somali Ethiopia oo ku aadan geeridii ku timid Allaha u naxariistee Abwaan Dhoodaan. Duleedka magaalada Garowe oo dhowaan laga furey dhismaha madaxtoyada cusub ayaa waxa ku yaal wasaaradaha Caafimaadka ,Cadaalada ,Idaacada ,waxana socda dhismayaasha Beeraha ,Deegaanka iyo Xabsiga weyn ee Garowe. Halkan ka dhegeyso codadka masuuliyiinta ee dhagax dhiga xaruntan http://www.garoweonline.com/artman2/publish/Wararka_19/Gen_Shire_oo_dhagax_dhigey_xarunta_wasaarada_waxbarashada.shtml Quote Share this post Link to post Share on other sites
