Dr_Osman Posted April 8, 2013 War Deg deh ah:- Gobal cusub oo kusoo biiray Gobalada Puntland War hoose oo ay warbaahinta Dunidaonline heshay ayaa waxa uu sheegayaa in Gobal cusub oo la magac baxay Guardafu Caasumadna looga dhigay degmada Caluula lagu kordhiyay 8-da gobal ee Puntland ay ka kooban tahay. Warkaan ayaa lagu jeex jeexay shirka Gollaha wasiirada xukumada Puntland ee Soomaaliyeed oo maanta ku qabsoomay xarunta madaxtooyada,waxana shir gudoon ka ahaa madaxwayne Cabdiraxmaan Shiikh Maxamad Faroole. Gobalkaan cusub oo eray ahaan talyaani ah ayaa waxa uu noqon doono gobalada hoos imaan doono dowlada Puntland,waxana ilaa iyo hada marka laga tago xaruntiisa oo laga dhigay Caluula,isla shirka lagu magaacabay degmo cusub oo la yiraahdo Murcanyo kana tirsan gobalka cusub. Warkaan waxaa Dunidaonline goor dhawayd u sheegay Wasiirka Beeraha iyo waraabka Puntland Eng,Maxamuud Xaaji Saalax oo ka mid ahaa masuuliyiintii ka danbaysay in gobalkaan cusub la magacabo,waxana sida aanu helayno mustaqbalka Dhow gobalkaasi cusub ku biiri doono degmooyinkaan Baargaal-Xaafuun-Gunbax. Sidoo kale Shirka Gollaha wasiirada Puntland ayaa degmooyin kale oo cusub lagu magacaabay ,Degmooyinka la magacaabay waxaa ka mid ah Ceelaayo-Buuraan oo ka mid noqday Gobalka Haylaan. Sidoo kale Degmo Towfiiq la magac-baxday ayaa lagu kordhiyay Gobalka Mudug. Ilaa iyo hada Dowlada Puntland si rasmi ah uma faahfin degmooyinka iyo Gobalka cusub ee lasoo kordhiyay,balse waxaa lagu wadaa wasiirka warfaafinta Puntland inuu ka hadlayo magacaabista Gobalka Guardafu. Dunidaonline.com Xafiiska Garowe Quote Share this post Link to post Share on other sites
Dr_Osman Posted April 8, 2013 Puntland is now 9 States. I guess the Ras Casayr Game is over Quote Share this post Link to post Share on other sites
