Somalia Posted November 28, 2012 Jabuuti (RBC) Madaxweynaha Soomaaliya Xasan Sheekh Maxamuud oo maanta ka dhoofay wadanka Jabuuti ayaa u hambalyeeyay maamul goboleedka Somaliland oo ay maanta ka dhacayso doorasho golayaasha deegaanka. Madaxweynaha oo ka hor intii uusan ka dhoofin wadanka Jabuuti u waramay VOA ayaa sheegay inuu rajeynayo in si nabadgelyo ah ay ku dhacdo doorashada dawladaha hoose isla markaana la dhawro xasiloonida. “Waan soo dhoweynayaa in shacabka ku nool deegaanadaasi ay u suurtagashay inay doortaan cidii maamuli lahayd, waxaana rajeynayaa in si nabadgelyo ah ay ku dhacdo” ayuu yiri madaxweynaha. Wadahadalkii labada dhinac Mar madaxweynaha la weydiiyey sida uu noqon doono wadahadalkii u bilawday dawladii hore ee ku-meelgaarka ahayd ee Soomaaliya iyo masuuliyiinta maamulka isku magacaabay Somaliland oo sheegta inay ka go’een Soomaaliya, ayuu madaxweynuhu sheegay in wadahadalkaasi uu sii socon doono isla markaana si wanaagsan ay u dhici doonaan wadahadalada labada dhinac. Dhanka kale madaxweynaha iyo wafdigiisa ayaa maanta soo gabagabeeyay booqasho labo maalmood qaadatay oo ay ku joogeen wadanka Jabuuti halkaasoo kulamo kala duwan isaga iyo wafdigiisa ay kula yeesheen madaxda dalka Jabuuti. Wafdiga madaxweyne Xasan Sheekh ayaa duhurnimadii maanta u dhoofay wadanka Itoobiya halkaasoo booqasho kale ay uga bilaabatay, kadibna waxaa sida wararku sheegayaan ay uga gudbi doonaan wadanka Kenya oo casumaad rasmi ah u fidiyey madaxweyne Xasan Sheekh Maxamuud. Quote Share this post Link to post Share on other sites
Daqane Posted November 28, 2012 Alhamdullilah free, fair and most importantly peaceful elections anywhere in Somalia is great news/ Quote Share this post Link to post Share on other sites
Somalia Posted November 28, 2012 Yes, yes it is. Quote Share this post Link to post Share on other sites
