Somaliland: xasqoor election rallies accross Somaliland

Xaaji Xunjuf · November 25, 2012

AQSOOR Oo Isu-soo Bax Balaadhan ku soo khatimay Ololihii Doorashadda ee Bisha socday

November 25th, 2012

Hargeysa (Somaliland.Org)- Urur siyaasadeedka ururka Xaqsoor ayaa maanta subax isu soo baxyo balaadhan ku muujiyay taageerada cududooda ee tartanka ololaha doorashada goleyaasha deegaanadda ee la filayo inay dalka ka qabsoonto 28-ka bishan.

kumanaan ka tirsan dadweynaha caasimada iyo taageerayaasha urur siyaasadeedka XAQSOOR ayaa isugu yimid fagaaraha Beerta Xorriyadda iyadoo halkaasi hadalo ka soo jeediyeen 25-ka musharax ee ururkasi XAQSOOR iyagoo mid mid musharixiintu dadweynaha ugu soo bandhigay waxqabadka iyo qoreyaashooda horumarineed ee caasimadda iyagoo halkaasi dadweynihii iyo taageerayaashaba ka codsaday inay maalinta codbixinta inay said ay maanta isugu soo baxeen u muujiyaan cududooda isla markaana codkooda siiyaan musharixiinta urursiyaasadeedka XAQSOOR.

Hogaanka sare iyo gudoomiyaha urur siyaasadeedka XAQSOR Xasan Ciise Jaamac oo taageerayaasha ururkiisa kala hadlay fagaaraha beerta xorriyadda ayaa waxa uu yidhi “Waxaan maanta qiraya inaad taageeradiini iyo cududiiniba aad muujiseen waxaan musharaxiintan 25-ka ah ee ururku idiin soo xullay aan ku dardaaraya in haddii Illaahay yidhaahdo oo ay ku guuleystaan doorashada la filayo inaynu u dareerno maalinta Arbacada ee 28-ka bishani inay cadaaladda ku tuntuunsadaan oo ay ka dhabeeyaan sifaha ururkani u taagan yahay una adeegaan bulshadooda, waxaan rajeynayaa in urur siyaasadeedkan XAQSOOR Insha ALLAH uu gaadhi doono himiladiisa siyaasadeed iyo hogaamintiisaba”

Waxaa uu gudoomiyuhu taageerayaasha uga mahadnaqay sida wanaagsan ee ay u muujiyeen taageeradda balaadhan ee urur siyaasadeedka XAQSOOR ku leeyahay guud ahaan dalka . isagoo ka codsaday taageerayaasha inay codkooda si nabadgelyo ah ku sugaan ee 25-ka musharax ee ay u soo xuleen inay u tartamaan doorashada goleyaasha deegaanadda. Gudoomiye Xasan Ciise Jaamac waxaa uu tilmaamay in taageerayaasha ururka XAQSOR iyo shacbi weynaha ku dhaqan gobolladdu iyaguna shucuurtooda iyo taageeradooba soo bandhigeen kana socoto dhambaal hanbalyana u dirayo sidoo kale waxaa isu soo baxani balaadhan ee ururka XAQSOOR ee fagaaraha beerta xorriyadda iyaguna ka qaybgalay hogaanka sare ee ururka XAQSOOR, waxaana hadalo ka soo jeediyay xoghayaha Guud ee ururka XAQSOOR Mudane Keyse Yuusuf Cali, Raqiya Cali Qaafil xubno ka tirsan aqalka wakiilada, waxaana halkaasi ay taageerayaashu urur siyaasadeedka XAQSOOR ku dhawaaqayeen heeso ay ku taageerayaan urur siyaasadeedkani iyagoo ku xardhan astaamaha musharixiinta urursiyaasadeedka XAQSOOR.

Markii uu soo geba gebobay bandhigii fagaaraha beerta Xorriyadda ee urursiyaasadeedkaXAQSOOR waxay taageerayaashu socod ku mareen jidadka waawayn ee caasimada Hargaysa iyagoo wata baabuur ay ka baxaaan heeso lagu taageerayo urursiyaasadeedka XAQSOOR .

Xaaji Xunjuf · November 25, 2012

Berbera saaxil region