Mogadishu responds to Ayman Al-zawahiri: No to Al Qaeda, No to Al shabab.

[Saalax]

Mudaaharaad Looga Soo Horjeedo al-Qaacida Oo Muqdisho Ka Dhacay

 

 

 

Banaan-bax looga soo horjeeday hadalkii ka soo yeeray hogaamiyaha ururka Al-qaacida Ayman Al-zawaahiri ayaa maanta lagu qabtay magaalada Muqdisho, iyadoo dad aad u badan ay isugu soo baxeen xarunta degmada Wardhiigley, halkaas oo ay kula hadleen Mas’uuliyiin ka tirsan dowladda iyo saraakiil ciidamada dowladda federaalka Soomaaliya.

 

Dibad-baxa waxaa soo abaabushay Hey’adda Wadahadalka Bulshada ee CCD waxaana kasoo qeyb-galay Masuuliyiin ay kamid ahaayeen guddoomiyaha degmada Wardhiigley Deeqo C/qaadir, guddoomiye ku xigeenka waaxda nabadgelyada maamulka gobolka Banaadir Warsame Maxamed

Xassan Joodax iyo saraakiil ka tirsan ciidamada Booliska.

 

Dibad-baxayaasha ayaa watay boorar ay ku qoranyihiin sawirrada Al-shabab iyo hogaamiyaha Al-qaacida oo falal gurracan ku howlan iyagoo ku qeylinayay erayo lidi ku ah ururka al-Shabab iyo Shabakada Al-qaacidda.

 

Masuuliyiintii goobta ka hadlay ayaa tilmaamay in dad ajaaniib ah aysan keeni karin xalka Soomaaliya loogana baahanyahay dadka ajaaniibta ah ee ka bar-bar dagaalamaya dhanka al-Shabaab inay isaga baxaan waddanka oo ay aadaan dalalka ay kasoo jeedaan.

 

Banaan-baxaan ayaa ka dhashey kadib markii uu dhawaan hogaamiyaha Al-qaacidda Ayman Alzawahiri uu ugu baaqay kooxda al-Shabab inay siiwadaan dagalada iyo isqarxinta ay ku hayaan dadka ka soo horjeeda fikirkooda taasoo si weyn uga careysiisay qeybaha bulshada.

 

Horseed Media

Muqdisho Somalia.

[Saalax]

http://horseedmedia.net/2012/11/12/mudaaharaad-looga-soo-horjeedo-al-qaacida-oo-muqdisho-ka-dhacay/