Dowlada Soomaaliya Oo Waxaan Jirin Ku Tilmaantay Ururka Raaskambooni

[Shinbir Majabe]

Dowlada Soomaaliya ayaa sheegtay inaysan jirin ciidamo urur gaar ah ka tirsan oo ku sugan magaalada Kismaayo isla markaana dhamaaba ciidamada jooga halkaasi ay yihiin kuwo isugu jira AMISOM iyo dowlada oo kaliya.

Taliyaha ciidamada xooga dalka Soomaaliya Gen. C/qaadir Cali Diini oo la hadlayay ciidamo badan oo ku sugan garoonka diyaaradaha ee magaalada Kismaayo ayaa wuxuu sheegay in dhamaanba ciidamada ku sugan Kismaayo ay yihiin ciidamada dowlada sidoo kalana masuuliyiinta ay yihiin dowlada.

Wuxuu sheegay inaysan jirin cid ka tirsan urur gaar ah ama ciidamo ka socda urur gaar ah oo xiligaan ku sugan Kismaayo, wuxuuna ugu baaqay warbaahintu inaysan kala saar saarin ciidamada dowlada Soomaaliya.

 

Hadalka Wasiirka ayaa wuxuu imaanayaa xili magaalada Kismaayo haatan ay ku suganyihiin masuuliyiin iyo waliba saraakiil ka tirsan ururka Raaskambooni kuwaasi oo uu hogaamiyo Sheekh Axmed Islaam Sheekh Madoobe.

Magaalada Kismaayo ayaa waxaa laga saaray Al-Shabaab oo ku sugnaa mudo Shan sano ah, waxaana howlgalka Al-Shabaab looga saaray magaaladaasi iska kaashaday ciidamo ka tirsan dowlada AMISOM iyo kuwa Raskambooni.

 

Source: Raxanreeb

[Shinbir Majabe]