Saalax Posted October 6, 2012 Kismaayo (RBC) Afhayeen u hadlay militariga Kenya Col Cyrus Oguna ayaa shaaca ka qaaday in dawlada Kenya ay ka walwalsan tahay in dadka reer Kismaayo ay u arkaan ciidamadooda kuwo qabsanaya dekeda weyn ee Kismaayo kadib markii toddobaadkii hore ay kala wareegeen ururka Al-Shabaab oo magaaladaasi ka talinayey mudo ku dhow shan sanadood. [DAAWO SAWIRO KISMAAYO] Cyrus Oguna oo u waramay wariye ka tirsan wakaalada wararka Reuters ayaa sheegay in weli dadka Kismaayo aysan wax farad ah u muujinin ciidamada Kenya, “waayo axay weli ka cabsi qabaan Al-Shabaab”ayuu yiri. “Ma rabno in naloo arko ciidan wax qabsanaya..” ayuu yiri Oguna oo la hadlay wariyaha Reuters oo safar ku tagay Kismaayo. “Dadku marna ma rabaan in noo muujiyaan calaamad farxadeed, aamusnaantooda ayaa waxay kuu sheegeysaa in weli ay jiraan xubno Al-Shabaab oo harka gadaashiisa isku qarinaya” ayuu sii raaciyey hadalkiisa Oguna. Wariyaha Reuers ayaa sheegay in dadka deegaanka aysan xitaa fiirinin marka ay baabuurta ciidamada kenyanka dhex marayaan waddooyinka habaaska badan ee Kismaayo oo mar ahaan jirtay saldhig ay ku xooganaayeen ururka Al-Shabaab. Axmed Madoobe iyo xilka gudoomiyaha gobolka “Mid ka mid ah ragga loo maleynayo inay jagooyinka sarsare ka qabtaan Kismaayo waa Sheekh Axmed Madoobe” ayuu yiri wariyaha Reuters. Isagoo ku tilmaamay Sheekh Axmed Madoobe inuu yahay dagaalyahan ka soo barbar dagaalamay askarta Kenya ee mudada sanadka ku jirtay gudaha Soomaaliya. “Waxaa jira warar been abuur ah oo dhahaya ciidamada Kenya ayaa qabsaday Kismaayo. Taasu mahan arin hadda taagan. Mustaqnalka Kismaayo wuxuu la yaalla dadkeeda” sidaasi waxaa wariyaha u sheegay Sheekh Axmed Madoobe oo garkiisa cinrada ah ku gudiidiyey cilaanka xinaha kuna lebisan dharka cagaaran ee ay caanka ku yihiin maleeshiyadiisa Raskambooni sida wariyaha Reuters ee tagay Kismaayo uu sheegayo. Laakiin sarkaal ka tirsan sirdoonka kwenya oo aan rabin in la magacaabo oo la hadlay wariyaha Reiters ayaa sheegaya in haddii Sheekh Axmed Madoobe aan loo magacaabin gudoomiyaha gobolka in markaasi Kenya ay la kulmi doonto dhibaato weyn oo ka soo wajahda Kismaayo. “Axmed Madoobe waa nin soo dagaalamay mudo dheer, waana hogaamiyaha kaliya ee nala joogay furinta hore ee dagaalka, haddii aan isaga loo magaavin gudoomiyaha gobolka markaasi Kismaayo waxay la kulmi doontaa dhibaato weyn” sidaasi waxaa markale wariyaha u sheegay 28-jir ka tirsan sirdoonka Kenya oo ku sugan Kismaayo kana gaabsaday in magaciisa la faafiyo. Diblomaasiga ugu sareeya siyaasadda Mareykanka ee Afrika Johnnie Carson oo toddobaadkii hore la hadlay Reuters ayaa sheegay in Kismaayo uu ka dhici doonoloolan xoogan oou dhexeeya beelaha dhexdooda kaasoo ku saleysan cida maamuleysa magaalada. Si kastaba wariyaha Reuters ayaa wuxuu leeyahay dhibaatada ugu weyn ee ka taagan Kismaayo waqti xaadirkan waa loolanka adag ee u dhexeeya qabiilada kala duwan ee ku hardamaya cida maamuleysa magaalada kadib bixitaanka Al-Shabaab taasoo horseedi karta dagaalo hor leh oo dhiig uu ku daato oo ka curta Kismaayo markale. ——————————————- Xigasho: Reuters Quote Share this post Link to post Share on other sites
Saalax Posted October 6, 2012 http://www.raxanreeb.com/2012/10/sarkaal-kenyan-ah-kismaayo-waxay-la-kulmeysaa-dhibaato-hadii-axmed-madoobe-la-magacaabi-waayo/ Quote Share this post Link to post Share on other sites
