Saalax Posted September 18, 2012 Somaliland Oo Soo Dhawaysay Hadal Ka Soo Yeedhay Madaxwaynaha Cusub Ee Somaliya, Uguna Baaqday Inuu Madax-banaanida Somaliland Garowshiiyo Ka Bixiyo. Hargeysa (Ramaas) Sept 17, 2012 – Dawlada Somaliland ayaa soo dhawaysay hadal diblumaasiyadeed oo ka soo yeedhay Madaxwaynaha cusub ee Somaliya Xasan Sheekh Maxamuud, kaasi oo uu ku sheegay inay sii ambo-qaadayaan wada-hadaladii hore ugu furmay labada dal. Wasiirka wasaarada arimaha dibada Somaliland Dr Maxamed Cabdilaahi Cumar, ayaa sheegay inay soo dhawaynayaan hadalka Madaxwaynaha Somaliya oo uu ku tilmaamay inuu ahaa mid taxadar badani ka muuqday, balse waxa uu tilmaamay in Madax-banaanida Somaliland tahay mid ku timid rabitaanka shacabka reer Somaliland oo aanay ka noqosho lahayn. Wasiirka arimaha dibada Somaliland waxa uu sheegay in Midnimadii hore aanay ahayn mid ku timid khasab iyo jujuub, imikana aanay ku iman Karin, loona baahan yahay in Somaliya Madax-banaanida Somaliland garowshiiyo ka bixiso “Waanu soo dhawaynaynaa hadalka Madaxwaynaha cusub, hadalkiisa waxa ka muuqday taxadar faro badan iyo ka fiirsasho badan”ayuu yidh, waxaanu intaa ku daray isaga oo sheegay inay soo dhawaynayaan wada-hadalada uu sheegay Madaxwaynaha cusub inay sii ambo-qaadayaan “Arintaasi waanu soo dhawaynaynaa, waxaanuna rajaynaynaa inaanu Madaxwaynaha cusub aanu is-aragno marka ay suurto-gasho” Wasiirka oo la waydiiyay in Madaxwaynaha Somaliya sheegay inay Somaliland kala hadlayaan Midnimo dambe, ayaa ku jawaabay “Madax-banaanidu waa mid ku salaysan rabitaanka shacbiga, Somaliyana arintaasi waa inay garowshiiyo ka bixisaa”ayuu yidhi isaga oo intaasi raaciyey “Midnimadu maaha mid jujuub ah, maaha arin khasab ku timid markii hore, imikana ku imanaysa, mowqifka Somaliland maaha mid isbedal ku yimid, taasina suurto-gal maaha” Dr Maxamed Cabdilaahi Cumar, waxa uu tilmaamay in aanay hadda furnayn dood laga yeesho Midnimo dhex marta labada dal “Arintaasina (Midnimo) maaha mid hadda doodeedu furan tahay, laakiin wax wada qabsi iyo laba wadan oo jaar ah loo heli lahaa weeyaan”ayuu yidhi. Ramaasnews Desk Hargeisa. Quote Share this post Link to post Share on other sites
Saalax Posted September 18, 2012 http://ramaasnews.com/index.php/News/News/Somaliland-Oo-Soo-Dhawaysay-Hadal-Ka-Soo-Yeedhay-Madaxwaynaha-Cusub-Ee-Somaliya-Uguna-Baaqday-Inay-Madax-banaanida-Somaliland-Garowshiiyo-Ka-Bixiso.html Quote Share this post Link to post Share on other sites
