Juriile Withdraws His Ticket For Speaker Of Parliament

[Dr_Osman]

DEG DEG: C/risaaq Juriile oo Goordhow Ka Tanaasulay “Musharaxnimadiisa Afhayeenka Baarlamaanka”d

Comments (0) | Write Comment

 

Prof Juriile oo tanaasulay

 

Muqdisho (RBC) Musharax Prof C/risaaq Cismaan Juriile oo ka mid ah lix musharax oo horey u sheegtay inay u tartamayaan xilka afhayeenka baarlamaanka Soomaaliya ayaa goordhow ku dhawaaqay inuu ka tanaasulay musharaxnimadiisa.

 

C/risaaq Juriile oo hadal ka jeediyey kulankii baarlamaanka oo weli ka socda xarunta Gen Kaahiye ee magaalada Muqdisho ayaa sheegay inuu goostay inuu ka haro tartanka maadaama sida uu sheegay ay jiraan rag kale oo ku haboon kursiga.

 

“Waxaan rabaa inaan idiin cadeeyo in aan ka baxayo tartanka musharaxnimada afhayeenka baarlamaanka, waana tanaasulay anigoo og inay jiraan rag kale oo xilkaasi ku haboon iyaga ayaana ku taageerayaa” ayuu yiri Xildhibaan Juriile oo si weyn loogu sacabtumay.

 

Hadda waxaa iska soo horay shan mudane oo u taagan xilka afhayeenka baarlamaanka kuwaasoo kala ah;

 

1- Prof Maxamed Cismaan Jawaarey,

 

2- C/rashiid Xiddig,

 

3- Cabdi Xaashi C/laahi,

 

4- Cali Khaliif Galeyr

 

5- C/laahi Goodax Barre

 

Dhanka kale waxaa weli sii socda khudbadihii ay jeedinayeen musharixiinta u taagan qabashada jagooyinka afhayeenka, afhayeenka koowaad iyo labaad ee baarlamaanka cusub ee Soomaaliya, waxaana khudbadaha dhageysanaya xildhibaanada cusub, guddiga doorashada, korjoogto ka socota beesha caalamka iyo suxufiyiin.

 

La soco Raxanreeb warar dheeraad ah.

 

RBC Radio

Xafiiska Wararka Muqdisho

[Dr_Osman]

Juuriloow ka Joog Jagadaas Nooma Qalantee [Maqaal]

August 24, 2012 // Announcement, Opinion, Warar Somaali

 

Waxaa beryahan isoo gaartay akhbaar si weyn u saameysay niyadeyda qof ahaaneed, waxay igu noqotay lama filaan markii Prof. Abdiraaq Juurile aan maqlay inuu damac iyo hunguri kahayo qabashada afhayeenka Baarlamaanka dowlada cusub ee dhalan doonta todobaadyada nagu soo fool leh.

 

Inkastoo Prof. Xildhibaan Cabdirsaaq Cusmaan Xasan (Juurille) yahay muwaadin dhab ah wax badan ka qabtay arrimaha Somalia iyo Puntland waxaan kaga hanweynaan lahaa inuu isku tijaabiiyo xilka madaxtinimada Soomaliweyn oo aan laga xigin, halka uu ka damcay Gudoomiye Baarlamaan oo reer Puntland abidkood aysan calman.

 

Aragtidayda waxaan ku doorsan lahaa in xilkaas Prof. Xildhibaan Cabdirsaaq Cusmaan Xasan (Juurille) ku soo baxo, iyadoo aysan reer Puntland wax xil ah haba yaraatee ka qaban 4-ta sano ee soo socota oo ay banaanka ka joogaan, Soomalina ugu faataxeeyaan bal sidii ay wax u maamulan karaan sheedana laga eegto, eed la,aan.

 

Nin kamid noqday xildhibaanada cusub oo aan Muqdisho kala hadlay ayaan weydiiyey sababta Prof. Juurile isugu caleema saaray afhayeenimada Baarlamanka, mudanahaas ayaa iisheegay inuusan sababta garan karin xilli Dr. C/wali Gaas quud dareynayo madaxtinimada Somalia, laakiin wuxuu iisheegay in Prof. Juurile fikirkan kala soo hayaamay Puntland halkaas oo uu ka arrimiyo saaxiibiisa weyn Dr. C/raxmaan Sheekh Maxamed Faroole.

 

Qof ahaan baaritaan dheer oo aan sameeyey waxaan ku ogaaday in Madaxweynaha Puntland qorshaha iyo fikirka is-sharaxaada Prof. Juurile wax ka ogyahay, hadaanuba ahayn kan ka dambeeya.

 

Waxaa baaritaankaas aan ku ogaaday in Madaxweynaha Puntland uu taageero siyaasadeed iyo mid dhaqaaleba la garab joogsanayo Xildhibaan Cabdirsaaq Cusmaan Xasan (Juurille)

 

Anigu ma garan karo hiraalka iyo fikirka uu maanka ku hayo Madaxweynaha Puntland, marka uu afhayeen baarlamaan la doon-doonayo Xildhibaan Cabdirsaaq Cusmaan Xasan (Juurille) hase yeeshee waxaan u qaatay ama ayba u badan tahay in Faroole uusan marnaba raali ka ahayn qof aan isaga ahayn oo ka soo jeeda Puntland in uu madaxweyne dalka ka noqdo.

 

Afartii sano ee uu C/raxmaan Faroole daadihinayey mamulka Puntland waxaan ka baranay ayaa waxaa kamida inuu yahay siyaasi aad u faan jecel, wax kastana isaga isku hibeeya, waxaa kaloo taas ka daran ma ahan nin jecel inuu arko qof kasoo jeeda Puntland oo siyaasada kula loolami kara.

 

Ugu dambayntii waxaan Xildhibaan Cabdirsaaq Cusmaan Xasan (Juurille) talo ahaan ugu soo jeedin lahaa dhowr arrimood inuu ila qaato isagoo maanka ku haya mustaqbalkiisa siyaasadeed iyo sumcadiisa qofnimo.

 

1- Xildhibaan Cabdirsaaq Cusmaan Xasan (Juurille) adigoo xushmeynaya, qiima sarena u yeelaya waa inaad sida ugu dhakhsaha badan uga tanaasushaa kursigan afhayeenka baarlamaanka maxaa yeelay nooma cuntamo, xaqna uma lihin.

 

2- Gudida 5ta xubnood ee uu Dr. Gaas u xilsaaray inay kula hadlaan, kaana dhaadhiciyaan inaad taageero iyo wadashaqayn u muujiso musharax Dr. Gaas ama musharxiinta kale ee reer Puntland sida Al-Xaaji Maxamed Yaasin inaad taladooda qadariso.

 

3- Waxaan kugula talin lahaa mudane inaad ka fiirsato go,aanka aad qaadatay adigoo tixgelinaya siyaasiyiinta kale ee mudada dheer isu soo diyaarinayey inay hantaan talada dalka.

 

4- Xildhibaan Cabdirsaaq Cusmaan Xasan (Juurille) waxaan kuu sheegi lahaa inaad hadii aad ku guuleysato kursigan ama weydo inaad siyaasiyiinta reer Puntland ee sharaxan aad ka hiilisay, ulana mid tahay kuwa ay rival- ka yihiin, sidaa daraadeed isku day inaad si miyir-qab leh uga fekerto kama dambaysta Go,aankaaga.

 

ALLAA MAHAD LEH

 

Abdirashid Kh. Cilmi

[Dr_Osman]

Puntland Is Back In The Race For The Presidency/PM Spot!!! Go Ina Gaas The Power Of The State is Behind you

[Samafal]

Jurille has never had a chance. Also, there's a talk of Glayr withdrawing after he failed to secure the required MPs and might go early to save a face.