In The Bazaars Of Bosaso. PICS

[Dr_Osman]

Magaalada Boosaaso oo Laga Dareemayo Diyaar garowga Ciidul-Fidriga iyo Barakacayaasha oo Baaq Diray [sawirro]

Comments (2) | Write Comment

 

Boosaaso[RBC Radio] Iyadoo maalinta berrito ah haddii EEBE idmo la filaayo in guud ahaan Ummadda Muslimiinta gaar ahaana kuwa Soomaaliyeed ay si farxad u wada Ciidi doonaan ayaa Suuqyada magaalada Boosaaso waxa laga dareemayaa dhaqdhaqaaq balaaran oo dhanka

 

Shabakadda Raxanreeb.com Xafiiskeeda magaalada Boosaaso ayaa maanta u kuurgalay dhaqdhaqaaqa ka socda Suuqyada waa weyn ee magaalada iyadoona dadweynuhu ay ka hadleen dareenkooda maalinta Ciidul-fidriga.

 

Dadka qaar oo la hadlay RBC Radio ayaa sheegaya in Ciidaan ay si weyn ugu diyaar garoobeen isla markaana ay ku farxsan yihiin in ay farxada la wadaagaan guud Muslimiinta meel kasta oo ay kunoolyihiin.

 

Sidoo kale waxa ay cabasho ka muujiyeen qiimaha lagu Iibiyo dharka iyo kabaha iyagoona tilmaamay in kor loo qaaday qiimahoodu isla markaana waxa ay ka codsadeen ganacsatada in ay ugu naxariistaan fadliga Ciidul-fidriga awadeed.

 

Dhanka kale ganacsatada ayaa iyana u sababeeyey qiima kororka dharka iyo kabaha ku yimid ay tahay doonyihiin la filaayey in ay agabka lagu Ciido keenaan oo ka baqay kooxaha Burcadbadeeda balse ay u qiima dhimeen macaamiishooda.

 

Xiriiriyaha Guud ee Barakacayaasha magaalada Boosaaso Cali Barre Ismaaciil ayaa ka codsaday Ummada Soomaaliyeed dal iyo dibadba in ay ka farxiyaan Walaalahooda dhibaateysan ee aan haysan wax ay ku Ciidaan isla markaana waxa uu hambalyada farxada Ciida u diray guud ahaan dadka Barakacayaasha ah ee caalamka ku dhaqan gaar ahaana kuwa Soomaaliyeed.