Presidential hopeful Dr Baadiyow congratulates the people of Puntland.

[MoonLight1]

Muqdisho (PP) -Musharaxa madaxweyne ee Soomaaliya Dr. C/raxmaan Macallin Cabdullaahi (Baadiyoow) ayaa Hambalyo iyo Bogaadin ku aaddan sannadguuradii 14-aad ee kasoo wareegtay aasaaska Puntland u diray Shacabka iyo Maamulka Puntland.

Warsaxaafadeed kasoo baxay xarunta murashaxa ayaa lagu sheegay in Dr. Baadiyoow uu hamblayadan u dirayo guud ahaan shacabka Soomaalida, isagoo u rajeeyay shacabka iyo Maamulka Puntland horumar iyo nabad.

 

“Shacabka iyo Maamulka Puntland waxaan u dirayaa hambalyo ku aaddan markii la aasaasay Puntland oo ay kasoo wareegtay 14-sano” ayaa lagu yiri warbixinta kasoo baxday Xafiiska Ololaha doorashada ee Murashax Dr. Baadiyoow.

 

Murashaxan ayaa wuxuu ka mid yahay murashaxiin u tartamaya xilka madaxnimo ee Soomaaliya oo dhici doona bisha August ee sanadkan, isagoo noqonaya murashaxii ugu horeeyay oo Shacbka iyo Maamulka Puntland u diray hambalyo ku aadan markii la aasaasay Dowlada Puntland.

 

Puntland ayaa waxaa la aasaasay 01-dii August 1998-kii, tan iyo xiligaasna waxaa ka jiray Amaan iyo Maamulo la isku bedelo, waxaana

aasaaskeeda bilaabay Madaxweynihii hore ee Soomaaliya Allaha u Naxariistee Col. Cabdulaahi Yuusuf Axmed oo geeriyooday horraantii sanadkan.

 

Dabaaldagyo lagu maamuusayo aasaaska Puntland ayaa tan iyo xalay ka socday Magaalooyinka Waaweyn ee Puntland, iyadoo Puntland ay qayb ka tahay Dowlada Federaalka ah ee Soomaaliya.

 

Maxamed Xuseen Jimcaale (Jantiile)

Puntlandpost- Muqdisho, Soomaaliya

[oba hiloowlow]

Congratulations indeed my fellow Puntlanders for the sucess heerkan iyo heer ka sareeyso ilaahay ha idin gaarsiiyo!

[oba hiloowlow]

...