Saalax Posted July 12, 2012 Laascaanood: Booliska Oo Xidhay Tiro Arday Reer Buuhoodle Ah Oo Looga Shakiyey Inay Ardayda Magaaladaas Ku Talaalayaan Fikirka Khaldan Ee Khaatumo Laascaanood (Ramaas) July 12,2012 – Ciidamada booliska Magaalo Madaxda gobolka Sool ee Laascaanood ayaa maanta xidh-xidhay tiro arday reer Buuhoodle ah oo la sheegay inay halkaasi u tageen sidii ay uga qayb-qaadan lahaayeen tartan aqooneed jaamacada Nugaal u qaban-qaabisay ardayda dugsiyada gobolka Sool. Ardaydan oo ka mid ah ardayda wax ka barata dugsi sare oo ku yaala Magaaladda Buuhoodle, ayaa ciidamada booliska Laascaanood guud ahaantoodba xidheen markii ay halkaasi gaadheen, iyadda oo warar is-khilaafsan ka soo baxayaan sababta xadhigooda. Wararka laga helayo xadhiga ardaydan ayaa qaarkood sheegayaan in maamulka gobolka Sool iyo ciidamada boolisku ka shakiyeen in ardaydani Laascaanood u tageen inay abaabulaan kacdoon ay sameeyaan ardayda dugsiyada Laascaanood sameeyaan, kaasi oo ka dhan Maamulka Sool, iyadda oo boolisku xasuusan kacdoon dhowr qof ku dhinteen oo hore Laascaanood uga dhacay. Halka war kale ka sheegay in boolisku sheegay in ardaydan oo isugu jira wiilal iyo hablo ay fikir khaldan ka haystaan maamulka Sool iyo Somaliland-ba, kaasi oo ah in kooxda khaatumo ka arimiso dhulkaasi, sidaa daraadeedna loo baahan yahay in laga hor-taggo sidii aanay ardayda reer Laascaanood ugu gudbiyeen fikirkaasi khaldan. Ardaydan Laascaanood lagu xidhay oo sida Ramaas warka ku heshay u socday inay tartan aqooneed Jaamacadaha Nugaal ee Laascaanood qaban-qaabisay, ayaa ilaa hadda ku xidhan halkaasi, iyadda oo la sheegay in ciidamada boolisku ku adkaysanayaan in ardaydani kharbudaad u tageen Laascaanood Warka ayaa intaa ku daraya in Maamulka Jaamacada Nugaal ee Magaaladda Laascaanood uu waddo dedaal uu ku doonayo in lagu siidaayo ardayda, doonayaana sidii ciidamada boolisku ugu qanci lahaayeen in ardaydani tartan aqooneed u socdeen. Ramaasnews desk Hargeisa Quote Share this post Link to post Share on other sites
Saalax Posted July 12, 2012 http://www.ramaasnews.com/index.php/News/News/Laascaanood-Booliska-Oo-Xidhay-Tiro-Arday-Reer-Buuhoodle-Ah-Oo-Looga-Shakiyey-Inay-Ardayda-Magaaladaas-Ku-Talaalayaan-Fikirka-Khaldan-Ee-Khaatumo.html Quote Share this post Link to post Share on other sites
