Maamulka degmada Buurtinle oo kormeeray xarumaha Caafimaadka iyo W.barasahada

[kingofkings]

 

Maamulka cusub ee degmada Buurtine ayaa kormeer ku sameeyey goobaha waxbarashada iyo kuwa caafimaadka ee degmadaas.

 

Duqa cusub ee Buurtinle iyo xubo ka mid ah golaha deegaanka ee degmadaas ayaa tegey dugsiga sare, xarunta caafimaadka hooyada iyo dhalaanka MCH-ka iyo Isbitaalka guud.

 

Kormeerkaas ayaa ahaa mid loogu kuurgelayey xaaladda waxbarasho iyo midda caafimaad ee degamda.

 

Duqa Buurtinle waxaa kormeerkiisa ku weheliyey gudoomiyaha gudoonka waxbarashada ee degmada.

 

Markii ay tageen Isbitaalka iyo dugsiga sare waxay mas’uuliyiintaasi warbixino ka dhegeysteen maamulka dugsiga iyo kan caafimaadka.

 

Waxayna ballan qaadeen inay dowladda dhexe u gudbin doonaan baahiyo badan oo jira si loogu dadaalo sidii wax looga qaban lahaa.

 

Isbitaalka degamda Buurtinle oo qayb kamid ahi aysan dhamistirneyn ayuu duqu sheegay in sida ugu dhaqsaha badan loo dhamaystiri doono si adeega uu bulshada u hayo loo balaariyo.

[Somalia]

Good stuff