Somaliland parliament votes for a new first and second deputy speaker.

[Xaaji Xunjuf]

Golaha Wakiiladda Somaliland Oo Doortay Laba Guddoomiye Ku xigeen iyo Jawigii Fadhiga

March 24th, 2012 Comments Off

 

Hargeysa(Somaliland.Org)- Mudaneyaasha Golaha Wakiiladda Somaliland ayaa maanta Guddoomiye Ku xigeenka koowaad ee Golaha Wakiiladda u doortay Md. Baashe Maxamed Faarax, halka ay Guddoomiye Ku xigeenka labaadna u doorteen Md. Cali Yuusuf Axmed.

 

Fadhigii maanta ee Golaha Wakiiladda oo uu gudoominayay Guddoomiyaha aqalkaasi Md. C/Raxmaan Maxamed Cabdilaahi (Cirro) isla markaana ay madasha fadhiyeen 64 Mudane. Waxa ka muuqday xamaasad xoog leh oo Mudaneyaashu dhinac waliba u xusul duubayay in murashaxiinta ay wataan ku guulaystaan labada Guddoomiye Ku xigeen ee Wakiiladda.

 

Xilka Guddoomiye Ku xigeenka koowaad ee uu hore u baneeyay Wasiirka cusub ee Maaliyadda Md. C/Casiis Maxamed Samaalle, waxa u tartamayay Md. Baashe Maxamed Faarax iyo Md. Ibraahim Axmed Haybe (Ibraahim Kacaan). Halka Guddoomiye Ku xigeenka labaadna ay u tartamayeen Md. Axmed-Yaasiin Sh. Cali Ayaanle iyo Md. Cali Yuusuf Axmed.

Md. Baashe Maxamed Faarax, waxa u codeeyay 49 Xildhibaan, Halka murashaxii la tartamayay Md. Ibraahim Axmed Haybe ay u codeeyeen 22 Mudane, sidaasna waxa ku guulaystay xilkii Guddoomiye Ku xigeenka koowaad Md. Baashe Maxamed Faarax.

 

Md. Cali Yuusuf Axmed, waxa u codeeyay 43 Xildhibaan, halka Md. Axmed-yaasiin Sh. Cali Ayaanle ay u codeeyeen 20 Mudane, sidaasna waxa ugu guulaystay Guddoomiye ku xigeenka labaad Md. Cali Yuusuf Axmed.

Labadii murashax ee laga guulaystay Md. Ibraahim Axmed Haybe iyo Md. Axmed-yaasiin Sh. Cali Ayaanle, oo doorashadaasi ka dib Golaha la hadlay ayaa u mahad celiyay mudaneyaashii doortay iyo kuwii aan dooranba. Waxaanay intaasi ku dareen inay ku qanacsan yihiin siday doorashadu u dhacday.

 

Geesta Kale Guddoomiye Ku xigeenka koowaad ee cusub Md. Baashe Maxamed Faarax iyo Guddoomiye Ku xigeenka labaad Md. Cali Yuusuf Axmed ayaa iyaguna u mahad celiyay Mudaneyaasha Golaha Wakiiladda, gaar ahaan labadii xildhibaan ee xilalkan kula tartamayay.

 

Weriye Cumar Maxamed Faarax

Somaliland.Org/Hargeysa

cumarmfaarax@hotmail.com

[Naxar Nugaaleed]

xajiyow jagoyinku mey ethen deeqiwayeen, bal se ba leyethen ku qancin doona hadowto

[Xaaji Xunjuf]

Lool@ naxar jagooyinkuna inaga wada badan dhamaanteen