Peacedoon Posted March 20, 2012 Ahlu Sunna oo dib u qabsatay Dhuusamareeb kadib markii saaka markii saaka ay gacantooda ka baxday Wararka ka imanaya magaalada Dhuusomareeb ee gobolka Galgudud ayaa sheegaya in ay u suurtogashay in ururka Ahlu sunna ay dib u qabsadaan magaalada Dhuusomareeb oo saaka waaberigii ay la wareegeen gacan ku haynteeda ciidamo ka tirsan Alshabaab. Wararka ayaa sheegaya in gurmad xoog leh oo u yimid Ahlu Sunna ay suurtogelisey inay dib u qabsadaan magaalada Dhuusomareeb Illaa iyo hadda lama oga khasaaraha ka dhashay dagaalkii maanta ka dhacay magaalada Dhuusomareeb iyadoo wararka qaar ay sheegayaan in dagaalkan ay dad ku dhinteen dhaawac badana uu jiro. Ciidamada saaka la wareegay magaalada Dhuusomareed ee daacada u ah ururka Alshabaab ayaa la sheegay in ay ka geysteen bililiqo xoogan oo inta aysan ka bixin magaalada ay hore u sii qaateen hanta fara badan oo gaadiid uu ka mid yahay. Ma aha markii ugu horeysey ee ururka Alshabaab inta uu qabsado magaalada Dhuusomareed kadibna dib looga qabsado. Hase yeeshee sanadkan 2012ka ayaa ah markii ugu horeysey ee magaalada Dhusomareeb uu dagaal ka dhaco. Quote Share this post Link to post Share on other sites
