Ra’iisal wasaaraha Soomaaliya oo Stockholm kula kulmey dhigiisa Sweden

[kingofkings]

Stockholm(Pi) Ra’iisal wasaaraha Soomaaliya Cabdiwali Mohamed Cali Gaas ayaa maanta magaalada Stockholm ee Caasimada Sweden kula kulmay Ra’iisal wasaaraha Sweden Fredrik Reinfeldt, kulanka waxaa isna goobjoog ahaa Kuxigeenka Ra’iisal wasaaraha Soomaaliya ahna Wasiirka Ganacsiga Cabdiwahaab Ugaas.

 

Labada Raysal wasaare ee Soomaaliya iyo Sweden waxay ka wada hadleen Xaalada Soomaaliya, iyadoo booqashada Raysal wasaaraha Soomaaliya uu ku joogo Sweden ahayd martiqaad rasmi ah oo uu ka helay Dowlada Sweden.

 

Ra’iisal wasaaraha Sweden Fredrik Reinfeldt wuxuu sheegey in Dowladiisu diyaar u tahay inay ka qaybqaadato dib udhiska Soomaaliya iyo dhiiri galinta Qorshaha kala guurka siyaasada Soomaaliya(Roadmap).

 

Ra’iisal wasaare ku xigeenka soomaaliya ahna Wasiirka Ganacsiga Cabdiwahab Ugaas ayaa isagu kamid ahaan jiray Qurbajoogta Soomaaliyeed ee Reer Sweden.

Habaynka khamiista ayaa Waftiga Ra’iisalwasaaraha Soomaaliya waxay magaalada Stockholm kula kulmayaan Jaaliyada Soomaaliyeed ee Sweden.

 

Ra’iisal wasaare Gaas wuxuu booqasho dheer ku marayay Wadamo ka tirsan Midowga Yurub isagaoo safarkiisa kasoo bilaabay Dalka Biljamka, Uk, Norway iyo Sweden oo uu hada joogo.