Dr_Osman Posted February 28, 2012 Siminaar horumarinta ganacsiga ku saabsan oo Boosaaso lagu soo gaba gabeeyey [Codad+Sawiro] Updated:- 2 hours ago| 0 Commnets Waxaa maanta magaalada Boosaaso lagu soo gaba gabeeyey aqoon isweydaarsi horumarinta ganacsiga ku saabsan oo mudo labo maalmood ah ka socdey xarunta rugta ganacsiga iyo wershedaha Puntland ee Boosaaso. Siminaarkan oo lagu baranayey waxyaabaha sababa fashilka ku yimaada ganacsiga iyo sida looga hortegi karo ayaa waxaa casharadii la qaatay bixinayey qoraaga Soomaaliyeed ee caanka ah ee Dr. Siciid Cali Shire. Munaasabadii aqoon isweydaarsigan lagu soo xirayey oo ay joogeen ganacsatadii ka qayb qaatay iyo mas’uuliyiinta ugu sareysa rugta ganacsiga ayaa waxaa ugu horeyn ka hadlay gudoomiyaha rugta ganacsiga iyo wershedaha ee Puntland Maxamuud Xayir Ibraahim. Wuxuuna u mahad celiyey Dr.Siciid Cali Shire isagoo tilmaamay in uu ganacsatada Puntland u hibeeyey in badan oo wakhtigiisa qaaliga ah kamida si uu ugu faa’iideeyo. Mr Xayir wuxuu dhinaca kale ganacsatada ku booriyey inay ka faa’iideystaan macluumaadkii ay heleen, si ay ganacsigooda ugu horumariyaan. Cabdiraxamaan Maxamuud Jaamac Xundhur oo ku hadlayey afka ganacsatadii aqoon isweydaarsiga mudada labada maalmood ah socdey ka qayb galay ayaa u mahad celiyey rugta ganacsiga iyo Dr-ka casharada siiyey, wuxuuna sheegay inay ku dadaalayaan sidii ay ganacsigooda ugu dabaqi lahaayeen macluumaadkii ay heleen mudadii ay Siminaarka ku jireen. Dr. Siciid Cali Shire oo isna goobta ka hadlay ayaa hanbalyo iyo bogaadin u diray maamulka rugta ganacsiga oo si fiican usoo dhoweeyey, wuxuuna xusay inay sharaf weyn u tahay in uu la kulmo ganacsatada Puntland, isagoo intaas raaciyey in qof walba oo Puntland yimaadaa uu arki karo baaxadda horumarka ka jira iyo himilooyinka dhanka ganacsiga ah ee ay higsanayso mustaqbalka dhow. Si kastaba ha ahaatee aqoon isweydaarsigan oo lagu baranayey waxyaabaha keena fashilka ku yimaada ganacsiga iyo siyaabaha looga hortegi karo ayaa waxaa soo qaban qabisay rugta ganacsiga iyo wershedaha Puntland waxaana bixiyey Dr. Siciid Cali Shire oo ah qoraa caan ah, cilmi baare, iyo la taliye dhanka ganacsiga ah. Horseed Media Boosaaso Audio http://horseedmedia.net/2012/02/28/siminaar-horumarinta-ganacsiga-ku-saabsan-oo-boosaaso-lagu-soo-gaba-gabeeyey-codadsawiro/ Quote Share this post Link to post Share on other sites
Dr_Osman Posted February 28, 2012 R.ganacsiga Buugaag Kusoo Bandhigay [sawiro] Updated:- 1 hour ago| 0 Commnets Magaalada Boosaaso waxaa maanta lagu soo bandhigay dhowr buug oo horumarinta ganacsiga iyo dhaqaalaha laga qoray. Buugtan oo 3 ah waxaa qoray Dr. Siciid Cali Shire, waxaana lagu soo bandhigay xarunta rugta ganacsiga iyo wershedaha ee Puntland. Dr-ka ayaa mar uu ku suugnaa munaasabad aqoon isweydaarsi lagu soo xirayey oo maanta rugta ganacsiag ka dhacday Horseed Media u waramay. Wuxuuna sheegay in qoraalka Buugaagtani uu mudo 5-sano ka badan ku qaatay, islamarkaana ay tahay markii ugu horeysey ee uu rugta ganacsiga ee Puntland kusoo bandhigo. Dr. Siciid Cali Shire ayaa dhinaca kale mar aan wax ka weydiiney faa’iidada ay Buugaagtani ganacsatada u leeyihiin wuxuu sheegay inay ka caawin doonaan sidii ay ganacsigooda u horumarin lahaayeen. Isagoo intaas raaciyey in ganacsatadu sidoo kale ay 3-dan Buug ka dheehan doonaan macluumaad tira badan oo ku aadan sida looga gaashaanto caqabadaha horseeda in ganacsiga iyo maareynta dhaqaalaha lagu fashilmo. Buugaagta maanta rugta ganacsiga lagu soo bandhigay oo horay meelo badan oo dalka iyo dibaddiisa kamid ahba uu Dr-ku ugu soo bandhigay ayaa kala ah: 1- Furaha Ganacsiga 2- Hogaamiye 3- Bangiyada Islaamka Horseed Media Quote Share this post Link to post Share on other sites
