Allied forces Ethiopian and TFG clash with Alshabaab Militants in Bakool region

[Xaaji Xunjuf]

Ciidamada DKMG, Ethiopia iyo Al Shabaab oo ku dagaalamay Bakool

 

Ceel-barde: (Sh. M. Network) Ciidamada dowladda KMG Soomaaliya oo kaashanaya kuwa Ethiopia iyo Xarakada Al Shabaab ayaa caawa ku dagaalamay degmada Ceel-barde ee gobolka Bakool.

 

Dagaalkaani ayaa bilowday kadib markii Ciidamo ka tirsan Al Shabaab ay weerar ku qaadeen fariisimo Ciidamada dowladda KMG Soomaaliya oo gacan ka helaya kuwa Ethiopia ay ku leeyihiin duleedka Ceel-barde ee gobolka Bakool.

 

dhinacyada ayaa isku adeegsaday hubka nuucyadiisa kala duwan, waxaana rasaasta ay isku ridayeen labada dhinac ay saameyn ku yeelatay dadka farao ku tiriska ah ee ku sugan deegaankaasi.

 

Saraakiil ka tirsan Ciidamada dowladda KMG ah oo caawa la hadlay Idaacadda Shabelle ayaa waxa ay sheegeen in dagaalka uu ahaa mid fashilmay islamarkaana fulaynimo ahaa oo ay kusoo qaadeen Ciidamada Al Shabaab sida ay hadalka u dhigeen.

 

Dhinaca Al Shabaab wax war ah kama soo bixin oo ku aadan dagaalka inkastoo dagaalka uu qeyb ka yahay mid maalmihii u dambeeyay ka dhacay Ceel-barde ee gobolka Bakool oo ay isku hayaan Ciidamada dowladda KMG ah, Ethiopia iyo Al Shabaab.

 

Wararkii ugu dambeeyay ayaa waxa ay sheegayaan in xaaladdu iminka ay tahay mid degan, hase ahaatee mararka qaar la maqlayo rasaas goos goos ah oo ay isku adeegsanayaan dhinacyada ku sugan halkaasi.