Clan clashes erupt in galkacyo and in other parts of mudug between two Clan factions

[Xaaji Xunjuf]

Gaalkacyo:Dagaalo Iyo Weeraro qorshaysan oo ka dhacay Gaalkacyo & Meelo kale oo Miyiga Mudug katirsan.

10. februar 2012

 

Gaalkacyo:(Allpuntland)-Saacadihii u danbeeyey magaalada Gaalkacyo ee xarunta gobolka Mudug iyo Duleedkeeda waxaa ka dhacay Weeraro qorshaysan iyo Dagaalo kaladuwan kusoo u dhexeeya Dadka deegaanka ee kasoo kala jeeda Koonfurta iyo Waqooyiga gobolka Mudug ee ku abtirsada Puntland iyo Galmudug kuwaasoo ka dhashay dagaalo horey u jiray oo dib usoo cusboonaaday iyadooan Weeraradani ay qaarkood ka dheceen magaalootin dad shacab ahi degenyihiin.

 

Weerarkii ugu horeeyey ayaa xalay ka dhacay Duleedka Magaalada Godod oo bariga Magaalada Gaalkacyo uga beegan iyadoona Weerarkaas ay qaadeen malayshiyo kasoo jeeda Koonfurta gobolka Mudug ayna kuq aadeen gaari ay dad shacab ah oo kasoo jeeda Waqooyiga gobolka Mudug wateen iyadoona weerarkaas ay ku geeryoodeen labo ruux ayna ku dhaawacmeen labo ruux oo kale, Sidoo kalena Xoolo dhaqato kasoo jeeda Waqooyiga gobolka Mudug ayaa iyana saaka weerar culus ku ekeeyey Tuulada Jeexdin oo la sheegey inay u baxsadeen dadkii ka danbeyeey Weerarkii xalay iyadoona weerarkaas jawaab celinta ah ay ku dhinteen ugu yaraan Shan Ruux ayna ku dhaawacmeen in kabadan Todobo Ruux kuwaasoo dhaawacyadooda lagu dabiibayo Isbitaalka koonfurta Magaalada Gaalkacyo.

 

Sidoo kalena Koox hubaysan ayaa saaka weerar culus ku qaaday Koonfurta Gaalkacyo gaar ahaana Hotelka Embassy oo ku yaala Koonfurta Gaalkacyo iyadoona weerarkaas ay dhowr ruux ku dhaawacmeen, Hotelka la weeraray ayaa ah Hotel Istaraatiiji u ah koonfurta Magaalada Gaalkacyo, Dadka magaalada ayaa cabsi xoogleh ka qaba sii socoshada Weerarada noocan oo kale ah oo intabadan inta ka dhasha miyiga gobolka Mudug iyadoona ay horey magaalada iyo Koonfurteedaba xaalada colaadeed uga soo cusboonaanayeen maalmihii u danbeeyey.

[Xaaji Xunjuf]

War Deg-deg ah: weerar khasaare gaystay oo lagu qaaday Hotel Embasy ee Koonfurta Gaalkacyo.

 

on February 10th, 2012

Weerar Khasaare gaystay ayaa daqiiqado ka hor lagu qaaday Hotel Embasy ee Koonfurta Magaalada Gaalkacyo.Koox hubaysan oo ka soo jeeda Woqooyiga Magaalada Gaalkacyo ayaa goor dhawayd weerar ku qaaday Hotel Embasy ee Magaalada Gaalkacyo waxayna wararku tilmaamayaan weerarkaasi in uu ka dhashay dhimashada 1 qof iyo dhaawaca in kabadan 1 ruuc.

 

Weerarka Kooxdani wuxuu daba socday weerar Koox dablay ah oo Koonfurta Gaalkacyo ka soo jeeday ay habeenimadii xalay ahayd ku qaadeen Gaari ku safrayay Deegaanka Caduunka ah ee Duleedka Gaalkacyo halkaas oo ay ku dhinteen 2 ruux dhaawacyana ay ka dhasheen.