A_Khadar Posted February 1, 2012 Taleex,(lasanod Online)- Waxaa lagu war gelinayaa dhamaan bulshawaynta ku midawday maamul goboleedka Khaatumo state of Somalia ee ku kala sugan gudaha iyo daafaha dunida iyo muwaadin kasta oo somaliyeed inay soo gudbiyaan calanka iyo astaanta uu yeelan doono maamul goboleedka Khaatumo State of Somalia. Wargelinta oo ka soo baxday xafiiska xidhiidhiyaha golayaasha Khaatumo State of Somalia waa mid loogu soo bandhigay warbaahinta in lagu soo gudbiyo mudo 48 saacadood ah, iyadoo xulista iyo doorashada midda ugu haboon ay gorfayn doonaan gudi khubara ah oo loo soocay isla markaana khibrad u leh ka fiirsashada iyo isla qaadashada calanka iyo astaanta ugu haboon. Calanka: Waxaa laga maar maan ah in aanu ka maqnaan midabka calanka somalia waxa kale oo looga baahan yahay in uu sababeeyo midabada kale ee uu qofku soo xushay Astaanta: Waa inay koobaysaa sidoo kalena ay muujinaysa waxyaalaha ay caanka ku yihiin gobolada sool, sanaag iyo cayn, kagana duwan yihiin gobolada kale somalida. Waxaa lagu soo hagaajinaya cinwaanka fadlan adigoo dhawraya wakhtiga khaatumostate@gmail.com Quote Share this post Link to post Share on other sites
