Liibaan Posted January 23, 2012 Xildhibaano Ka Tirsan Dawladda Soomaaliya Oo Ku Baaqay In La Taageero Maamulka Khaatumo Lasanod Online Monday, January 23, 2012 Muqdisho,(Lasanod Online)-Shir jaraa’id oo ay maanta Magaalada Muqdisho ku qabteen Xildhibaano ka tirsan barlamaanka KMG Soomaaliya oo kasoo jeeda gobolada Sool, Sanaag iyo Ceyn ayaa waxa ay ugu baaqeen Madaxda dowladda KMG Soomaliya inay fara galin ku sameeyaan xiisadaha ka taagan gobolada SSC, ayna garab istaagaan dadka shacabka ah ee sameystay Maamulka la magacbaxay Khaatuma. Xildhibaan Xaaji Cabdi Max’ed Cali oo la hadlay warbahinta ayaa waxa uu sheegay in Maamulka Somaliland uu dhibaato ballaaran ku hayo dadka rayidka ah ee ku nool goboladaasi, isagoo sheegay in Mas’uuliyiinta dowladda KMG ah looga baahanyahay inay garab istaagaan dadkaasi maadaama uu xusay inay ka shaqeeyaan sidii calanka Jamhuuriyadda looga taagi lahaa goboladaasi. Isagoo hadalkiisa wata Xildhibaanka ayaa waxa uu ugu baaqay dadka shacabka ah ee degan gobolada SSC inay sii wadaan dibadbaxyada iyo dagaalada ka dhanka ah Maamulka Somaliland islamarkaana ay u istagaan sidii ay u sameysan lahaayeen Maamul hoostaga dowladda KMG ah. Xafiiska Wararka Laascaanood Laascaanood Somalia Quote Share this post Link to post Share on other sites
