Somaliland arrest the highest number of Journalists ever

[Jacaylbaro]

War Degdeg ah: Tiradii u badnayd ee wariyaal ah oo Goor dhoweyd xabsiga lagu Guray iyo Agaasimihii Hadhwanaagnews Najax Adan Cunaye oo ka mid ah Weriyasha la xidhay..

Waxaa Goor dhoweyd xabsiga lagu guray weriyaashi u badnaa abid ee la xidho hal maalin iyo isku wakhti, weriyaashan ayaa bannaanbax selmi ah ka hor dhigay Madaxtooyada horteeda , waxaanay bannaanbaxa weriyashani ku saabsan xidhitaanka televisionka HCTV ee xalay ay ciidanka Boolisku albaabada u laabeen gebi ahaanba xafiisyadii iyo xarumihiisi baahinta ee Hargaysa, iyo sido kale dhaleecayntii qaawanayd ee madaxweynuhu khudbadiisa ku soo darsaday shalay kulana dul kufay Televisionka HCTV iyo warbaahinta madaxa bannaan.

 

Xadhiga weriyaashan ayaa noqonaysa dhacdadii ugu yaabka badnayd ee abid soo marta warbaahinta xorta ah, iyo cabudhin aad xad lahayn oo xukuumadda madaxweyne siilaanyo ku hayso warbaahinta xorta ah.

 

Illaa iyo imminka weriyaasha xidhan ee ciidanka Boolisku ka hor qabteen xarunta madaxtooyada ayay ku jiraan saraakiil sarsare, tafatirayaal iyo sawirqaadayaal, waxaana ka mid ah weriyaasha xabsiga lagu Guray

 

NAJAX AADAN CUNAAYE Agaasimaha Somaliland iyo Somaliya ee Hadhwanaagnews.com

 

XASAN MAXMED YUSUF Guddoomiyaha Ururka Suxufiyinta Somaliland ee SOLJA

 

MAXED CABDI SHEEKH (ILIG) Agaasimaha Guud Ee Hctv

 

MAXED CUMAR CABDI (CIRRO) Tafatiraha Guud Ee JAMHUURIYA

 

XAMSE CALI BULBUL Madaxa Wararka ee TV ga HCTV

 

NIMCO CUMAR MAXMED (NIMCO SAMRIYE) Weriyaasha HCTV

 

Iyo weriyaal kale oo tiro badan.

 

Lama garanayo illa iminka waxa lagu xidhay weriyaashaas iyo saraakiishaas warbaahineed ee xabsiga ku jira ,marka laga reebo banaanbax nabadgelyo oo ay ka hor sameeyeen madaxtooyada horteeda.

 

Tan iyo markii ay xilka la wareegtay xukuumada madaxweyne siilaanyo waxa warbaahinta xorta ah ku batay xadhiga, cabudhinta, tacaddiga iyo caga juglaynta aan xadka lahayn ee loo geysanyo warbaahinta, dhacdadan imminka ay ku kaceen Ciidanka madaxtooyadu ayaa illa imminka fajiciso ku ah bulshada, taaso ay ugu dareen xadhigii TV gii keli ahaa ee somaliland laga lahaa kuna shaqaynayey sida xorta ah.

 

Agaasimaha Hadhwanaagnews ee Somaliland iyo Somaliya oo xabsiga ku jira oo aanu khadka telefoonka kula xidhiidhnay ayaa sheegay inaanay garanayn waxa xukuumaddu ku xidhay isagoo sheegay in ciidanka ilaalada madaxtooyada iyo ciidamo kale oo dheeraad ah loo dalbay halkaasna ay ku qabqabteen weriyaal tiro badan oo xarunta madaxtooyada horteeda tubnaa, isagoo xusay in qaar ka mid ah weriyaashana ay garaacis iyo handadaad u geysteen.

 

Illaa imminka waxa xidhan jidka hor mara madaxtooyada, waxaana cakiran agaagarka madaxtooyada, lamana garanayo waxa ay madaxtooyadu cadowtinimada intaas leeg ugula dagaalamayso warbaahinta oo la odhan karo waa tii keli ahayd ee u sahashay in madaxweynaha haatan talada hayaa uu kursigaasi fuulo.

[Somalina]

Sheekadan, kow; shirka Taleex loo hanjabo, labo; HCTV albaabada loo laabey, seddex; weerarka maanta Buhoodle, afar.

 

Caadi ma aha N Korea.