Somaliland:Muusa rabbiile good road from Dila to Borama almost Finished

[Xaaji Xunjuf]

Xukuumadda S/Land Iyo Reer Awdal Oo Ku Tartamaya Dhamaystirka Jidka Muuse Rabbiile by lug in News

Jidka u dhexeeya Dila iyo Borama ee Muuse Rabbiile Good ayaa waxa lagu soo warramayaa inuu meel fiican marayo, hawshiisuna si xowli ah u socoto

 

masaafadda dhimanna waxa la sheegay inay tahay 10 KM.

 

Laga bilaabo magaalada Borama ilaa tuulada Gorayo-cawl waxa gacanta ku haysa hay`adda jidadka Awdal iyo Salal ( ASARDA ) oo gacan ka halaysa dadwaynaha reer Awdal, Salal iyo Gabilay meel kasta oo ay joogaanba, halka ay haya`dda jidadKa Somali Land (SRA) oo ka wakiil ah xukuumadda S/Land -na dhinaceeda ka soo bilowday magaaalada Dila soona gaadhsiisay tuulada Tulli Cagaagan, halkaana waxaa ku eg 4tii KM ee u horraysay ee ay ballan qaadday xukuumaddu, inkasta oo ay ku darayso 4 KM oo kale sida ay wararku sheegayaan. 6 KM ee hadhsanna waxa la filayaa inay shacabka reer Awdal, Salal iyo Gabilay dhamaystiri doonaan.

 

Sida laga warqabo, jidkan waxa dhowr maalmood ka hor soo baxayay warar laga soo xiganayay xubno muhiim ah oo ka mid ah haya`dda ASARDA oo sheegaya in jidku marka uu dhamaado loogu magacdari doono marxuum Muuse Rabbiile Good, iyada oo ay tallabaadaasi dad fara badani aad u soo dhaweeyeen.

 

Taariikh ahaan, General Muuse Rabbiile Good waxa uu ku dhashay magaalada Borama sannadkii 1938,Waxanu wax ku soo bartay dalka Sudan oo uu shahaadada heer jaamacadeed ka qaatay, kadibna waxa uu macallin ka noqday dugsigii sare ee Camuud ee magaaalada Borama.

 

General Muuse Rabbiile Good waxa uu ahaa ninkii ugu horreeyay Somaali ahaan ee lagu dhawaaqay inuu ku guulaystay doorashadii golihii barlamanka ummadda Soomaaliyeed sannadkii 1960 kii.

 

Xildhibaan Muuse Rabbiile sannadkii 1961 kii waxa uu u baxay socdaal aqoon korodhsi ah, waxanu arday ka noqday kulliyadda ciidanka ee Sanhurts ee ku taalla magaalada London ee dalka Britain. Sannadkii 1969 kiina waxa uu ka mid ahaa jannanadii ugu waawaynaa ee hirgeliyay tawraddii Soomaaliyeed, iyada oo uu habeenkii afgenbiga 20 kii October General Muuse gacantiisa ku dejiyay qorshihii ammaan ee magaalada Muqdisho lagula wareegay, islamarkaana uu hoggaaminayay ciidamadii taangiyada ee habka nabdoon ku qabsaday Xamar.

 

General Muuse Rabbiile Good, laga bilaabo dhalashadii tawradii Somaliya illaa burburkii maamulkii dhexe waxa uu soo qabtay wasaarado ay ka midyihiin, wasaaradda Caafimaadka, beeraha iyo xannaanada xoolaha, gaadiidka cirka iyo dhulka , waxayna reer Awdal si gaar ah ugu xasuustaan inuu isagu hirgeliayay gobolnimada Awdal iyo degmooyinka gobolkaasiba.

 

Sannadkii 2001,ayuu General Muuse Rabbiile Good ku geeriyooday dalka Maraykanka.

[Xaaji Xunjuf]

[Xaaji Xunjuf]

Well done reer Somaliland building roads and a great choice to name the road after the legendary Muse rabbiile good allow ku naxariiso a true son of Somaliland.

[Ducaysane]

Muse Rabiile, one of the most active Golihii Sare ee kacaanka led by Aabo Siyaad

[Miskiin-Macruuf-Aqiyaar]

Sawirkaas jidka la suray waa sawiradii ofishaalka ahaa ee Golaha Sare ee Kacaanka. Shabakadaan ayaa laga soo qaatay.

 

 

Muuse Rabiile Good, Eebba ha u raxmadee. Magaciisa waa maqli jiray, aad iyo aad.

[Jacaylbaro]

Good Job reer Somaliland ...... Now I should expect a better road in my next trip to Borama

[Carafaat]

Guess the name of the VP candidate of UDUB ?