Somaliland: Saudi delegation arrives in hargeysa+PICS

[Xaaji Xunjuf]

Wefti ka socda dalka Sucuudiga oo socdaal ku yimid dalka

December 11th, 2011

 

Berbera (Somaliland.Org)Wasiiradda Macdanta iyo Biyaha ee Jamhuuriyadda Somaliland Md. Xuseen Cabdi Ducaale iyo beeraha Md. Faarax Maxamuud Geedoolle, ayaa shalay madaarka Berbera ku soo dhaweeyey wefti ka socday dalka Sucuudiga.

 

Wasiirka macdanta oo warbaahinta kula hadlayqoflka nasashada ee madaarka Berbera, ayaa sheegay in wefdigan Sucuudigu ay u socdaan sidii ay mashaariic maalgashi ay uga samayn lahaayeen dalka Somaliland, sida dekeda, warshada sibidhka, haamaha shidaalka iyo mashaariic kale.

 

Wasiirku isagoo arrintaa ka hadlayayna waxa uu yidhi “Saddexdan xubnood waxay dalka u yimaadaan mashaariic maal gashi ayay u socdaan, waan soo dhaweynaynaa walaalahayaga reer Sucuudi Carabiya.”

 

“Halkan intaan joogno Berbera mashaariic badan oo ku saabsan maalgashi oo ay ka mid tahay dekeda, haamaha, shidaalka iyo wershada sibidhka ayaanu tusaynaa,”ayuu yidhi Wasiirku.

 

Wasiirku wuxuu intaasi ku daray in weftigani muddo sadex maalmood ah ay darsi doonaan Ganacsiga iyo meelaha u baahan maalgashiga.

 

Wasiirka beeraha ee Somaliland Md. Faarax Cilmi Geedoole ayaa isna sheegay in weftigan ay si weyn dalka ugu soo dhawaynayaan waxaanu tilmaamay in xukuumad ahaan diyaar u yihiin in dhinacooda ugu soo bandhigi lahaayeen mashaariic maalgashi oo dhinaca beeraha ah, waxaana uu yidhi “Khayraadka aadka u badan ee dalkeena dawladu ma hayso hadda awood ay ku soo saarto kagana faa’iidaysato khayraadkaa markaa aad iyo aad ayaan u soo dhawaynaa walaalaheena Sucuudiyiinta waana dadka inoogu dhow maanta marka aad ka eegto Islaamka, xidhiidhkii hore ee Islaamka, walaalnimo ee inoo dhaxayn jiray aad iyo aad ayaan u soo dhaweynaynaa.”

 

Weftigan, ayaa ka koobnaa laba nin oo u dhashay dalka Sucuudiga iyo nin u dhashay dalka Kuuriya, waxaana la sheegay in xubno ka tirsan weftigoodu ay dalka imanayaan maalmaha soo socda.

[burahadeer]

Send them to Mogadishu,they will have fire works ova there.

[Carafaat]

This is good news. Saudis seem to have finally open the door for Somaliland, after boycott of more then a decade. Somaliland guul.