Somaliland president names new Governor to the oodweyne region

[Xaaji Xunjuf]

Madaxweyne Siilaanyo oo Badhasaab u magacaabay Gobolka Oodweyne

 

October 16th, 2011

 

Hargeysa (Somaliland.Org)-Madaxweynaha Somaliland Md. Axmed Maxamed Maxamuud (Siilaanyo) ayaa maanta badhasaab cusub u magacaabay Gobolka Oodweyne, ka dib markii uu dhawaan geeriyooday Alle ha u naxariistee Guddoomiyihii hore Marxuum-Maxamed Gahayr Xirsi.

 

Madaxweynaha Somaliland waxa uu Badhasaabka cusub ee Oodweyne u magacaabay , Yuusuf Ibraahim Geeddi, sidaasna waxa lagu sheegay war saxaafadeed uu soo saaray Afhayeenka Madaxtooyada Cabdilaahi Maxamed Daahir kaasi oo u dhignaa sidan:-

 

“Madaxweynaha JSL, Mudane, Axmed Maxamed Maxamuud (Siilaanyo) waxa uu maanta Xeer Madaxweyne oo Numberkiisu yahay 0174/10/2011 ku magacaabay Guddoomiyaha Gobolka Oodweyne.

 

Madaxweynuhu :- Markuu Arkay: Qodobka 90aad ee Dastuurka Jamhuuriyadda Somaliland,Markuu Tixgeliyey: Ahmiyadda uu Gudoomiyuhu u leeyahay Dhismaha Qaranka,

 

Markuu Arkay: In baahi loo qabo buuxinta jagada Gudoomiyaha Gobolka Oodweyne,

 

Markuu la Tashaday: Madaxda ay khusayso. Markuu Ku Qancay: In uu buuxin karo, Aqoon iyo kartina u leeyahay jagadan.

 

Wuxuu go’aansaday In Mudane, Yuusuf Ibraahim Geedi, laga bilaabo taariikhda maanta 16.10.2011 uu ahaado Guddoomiyaha Gobolka Oodweyne ee Jamhuuriyadda Somaliland.”