Clan clashes erupt in the karkaar region of bari with Casualties

[Xaaji Xunjuf]

Dagaal labo beelood ku dhex maray degaano ka tirsan degmada Rako

 

Ugu yaraan 1-qof ayaa ku geeriyoodey 4-kalena waa ay ku dhaawacmeen dagaal shalay labo beelood ku dhex maray Uubaale iyo Laamalooyaale oo ah degaano hoostaga degmada Rako ee gobolka Karkaar.

 

Duqa degmada Rako Faarax Maxamuud Ibraahim oo Warbaahinta Horseed Media waraysi gaar ah siiyey ayaa ka warbixiyey sida ay wax u dheceen , wuxuuna tilmaamay in colaada labadaas beelood ka dhex qaraxday ay tahay mid salka ku haysa qaybsiga dhul daaqsimeed ku yaala deegaan lagu magacaabo Xinbiyaalo oo ku yaala inta u dhexeysa Xunbays iyo Uurjire.

 

Dhegeyso waraysiga duqa degmada Rako

 

 

Faarax Maxamuud Ibraahim ayaa intaas ku daray inay jiraan ciidamo labada dhinac ka tirsan oo goobtii shalay dagaalku ka dhacay isugu hub uruursanaya , islamarkaana ay jiraan ergooyin waxgarad iyo nabadoono isugu jira oo ku baxay degaanka uu shalay iska hor imaadku ka dhacay si loo dhex dhaxaadiyo dhinacyadii ay xurgufto dhex martay loogana hor tago in dhibku uu intaas kasii bato.

 

Duqa degmada Rako Faarax Maxamuud Ibraahim ayaa ugu danbayntii ugu baaqay waxgaradka iyo odayaasha kasoo jeeda labada beelood ee shalay ku dagaalamay degaanada Ubaale iyo Laamalooyaale oo katirsan degmada Rako inay si deg deg arintaas u galaan

 

Si kastaba ha ahaatee xiliyada roobabku ay da’aan waxaa inta badan dalka Soomaaliya ka dhaca dagaalo dhex mara dadka reer guuraaga iyo xoola dhaqatada u badan ee ku dhaqan degaanada Miyiga ah , dagaaladaas oo inta badan ah kuwa ka kaca daaqa iyo biyaha.

[A_Khadar]

Alla somalidii hore xikmad badnaayeenaa.. "Nina Caadadii ma baajiyo".. @XX..

[Xaaji Xunjuf]

Warar dheeraad dagaalo ka dhacay Deegaano ka tirsan karkaar.

 

 

Monday, October 03 2011

 

Warar dheeraad dagaalo ka dhacay Deegaano ka tirsan karkaar.

 

Written by Maxamed Ciise

 

Wararka ka imaanaya Tuulooyinka hoostago degmada Rako ee Gobalka Karkaar ayaa sheegaya in dagaal u dhaxeeyay Masleeshiyo beeleed uu ka dhacay halkaasi.

 

Tuulada Xumbays iyo uurjire oo hoostago degmada Rako ee Gobalka Karkaar ayaa waxaa gelinkii dambe ee shalay ka dhacay dagaalo xoogan oo geystay qasaaro dhimasho iyo dhaawac ah.

 

Maleeshiyaadka dagaalamay ayaa la sheegay inay isku heystaan dhul daaqsimeed iyo ceel biyoodyo ku yaala halkaasi oo ay iksu fahmi waayen lahaanshiyaheda.

 

Gudoomiyaha Gobalka gargaar oo saxaafada la hadlay ayaa sheegay in xaalada Goobaha Dagaalka ay ka dhaceen *ay iminka xaaladooda ay tahay mid aad u degen inkastoo uu sheegay in la fileysan karo dagaalo mar kale dhaca maadama labada dhinac ay is hor fahdiyaan.

 

Dagaaladii shalay ayaa sababay dhimashada 9 ruux iyo dhaawaca *toban kale iyadoona dadkii dhaawacmayne la gaarsiiyay xarumaha caafimadka eek u yaala Gobalka Karkaar.