War in Galkacyo Take 2

[Jiiroow Bakaal]

http://www.raxanreeb.com/?p=109900

 

 

Gaalkacyo (RBC Radio):- Dagaalkii saaka ka bilawday magaalada Gaalkacyo gaar ahaan xaafada Garsoror ayaa goor dhoweyd joogsaday, waxaana soo baxaya khasaaraha uu dagaalka geystay oo aad u tira badan.

 

Dadka ku dhintay dagaalka saaka ayaa la xaqiijiyay in ay kor u dhaafayaan 10 ruux, waxaana dhaawacu gaarayaa ku dhowaad 50 ruux sida ay xaqiijiyeen Saraakiisha la socda gaadiidka gurmadka deg dega ah ee soo daad gureynaya dhaawacyada, iyadoo dadka dhintay ay u badan yihiin dhinacyadii dagaalamayay, halka dhaawaca ay u badan yihiin shacab ay rasaastu ugu tagtay guryahooda.

 

Waxaa intii uu dagaalku socday la isu adeegsadey hubka noocyadiisa kala duwan, waxaana dhibaato xoogan ay soo gaartey shacabka magaalada Gaalkacyo iyadoo khasaaruhu isugu jiray naf iyo maal.

 

Waxaa burburay dhismayaal ku yaala xaafadaha magaalada Gaalkacyo sida Garsoor iyo Israac oo ay ku dhaceen madaafiic la isweydaarsaday labada dhinac, waxaana la arkayay dadweyne farabadan oo ka cararaya goobaha dagaalka ka agdhow.

 

Isbitaalka guud ee gobolka Mudug, Isbitaalka GMC iyo Isbitaalka koonfurta Gaalkacyo ayaa la geeyay dad farabadan oo dhaawac ah, waxaana dadkaasi ay isugu jiraan dhaawacyo fudud iyo kuwa culus, waxaana Saraakiisha isbitaaladu ay shacabka ugu baaqeen in ay dhiigaga u shubaan dhaawacyo farabadan oo khatar ugu jira in ay u geeriyoodaan dhiig la’aan.

 

RBC Radio.