Somaliland president Ahmed Siilaanyo meets British Secretary of state for foreign affairs+PICS

[Xaaji Xunjuf]

Madaxweyne Siilaanyo Oo Markii u Horaysay Kulan La Yeeshay Wasiirka Arrimaha dibada Ingiriiska

July 8th, 2011

 

Addis ababa (Somaliland.Org)- Madaxweynaha Somaliland Md. Axmed Maxamed Maxamuud (Siilaanyo) ayaa maanta markii u horaysay kulan kula yeeshay magaalada Addis ababa Wasiirka Arrimaha dibada Dalka Ingiriiska Md. William Jeffer Hagu oo maanta socdaal qaatay muddo shan saacadood ah ku yimid dalka Itoobiya.

Madaxweynaha Somaliland iyo Wasiirka arrimaha dibada ee dalka Ingiriisku waxay ka wada hadleen sidii loo sii balaadhin lahaa iskaashiga iyo wax wada-qabsiga taariikhiga ah ee u dhaxeeya Somaliland iyo Ingiriiska.

 

Waxa kale oo ay iska xog waraysteen xaalada nabadgelyo ee mandaqada Geeska afirka iyo sidii ay Somaliland door muhiim ah uga qaadan lahayd xasilinta gobolka qalalaasuhu hadheeyay.

 

 

 

Madaxweynaha Somaliland waxa uu kale oo uu Wasiirka Arrimaha dibada ee Ingiriiska ka dalbaday in dalkiisu kaalin ka geysto sidii Somaliland oo ah qaran madax banaan oo dimuqraadi ahi aqoonsi buuxa uga heli lahayd caalamka.

 

Wasiirka Arrimaha dibada Britain Md. William Jeffer Hagu, waxa uu sheegay inay ka go’an tahay dalkiisa inuu la shaqeeyo Somaliland isla markaana la sii xoojiyo cilaaqaadka labada wadan. Waxaanu Somaliland ku ammaanay kaalinta wax ku oolka ah ee ay kaga jirto nabadgelyada iyo dimuqraadiyada gobolka.

 

Wasiirka Arrimaha dibaddu waxa kale oo uu maanta dalka Itoobiya u yimid inuu la kulmo Raysal Wasaaraha Itoobiya Malez Zanawi iyo Madaxweynaha Somaliland.

Madaxweynaha Somaliland waxa kulankaasi ku wehelinayay Wasiirrada Arrimaha dibada iyo Madaxtooyada, halka Wasiirka Arrimaha dibada ee Ingiriiskana uu wehelinayay Safiirka Ingiriiska u fadhiya Itoobiya.

 

Dhinaca kale, Madaxweyne Axmed Siilaanyo waxa uu khamiistii kulan kula yeeshay saraakiil ka tirsan ciidamada badda ee Ingiriiska markab dagaal oo ku soo xidhay dekada Bebera. ka hor intii aanu weftigii Madaxweynuhu ka dhoofin magaalada xeebta ku taalla ee Berbera ee xarunta gobolka Saaxil.

[AYOUB]

Waar it's the other way round, William meets Xaaji Axmaed dheh.

[Jacaylbaro]

....