Somaliland president Siilaanyo congratulates the people of Djibouti.

[Xaaji Xunjuf]

Madaxweyne Siilaanyo Oo Dhambaal Hambalyo u diray shacbiga Jabuuti

June 28th, 2011

 

Hargeys(Somaliland.Org)- Madaxweynaha Somaliland Md. Axmed Maxamed Maxamuud (Siilaanyo), ayaa shacbiga dalka Jabuuti ku bogaadiyay xuska sanad guuradda 34-aad ee ka soo wareegtay markii dalkaasi xornimada ka qaatay sanadkii 1977-kii dalka Faransiiska.

 

Madaxweynuhu wuxuu sidaasi ku sheegay war saxaafadeed xalay ka soo baxay qasriga madaxtooyada oo u dhignaa sidan:-

“Madaxweynaha JSL Mudane Axmed Maxamed Maxamuud ( Siilaanyo) waxa uu Hambalyo iyo Bogaadin u dirayaa Madaxweyne ismaaciil Cumar Geelle iyo Shacbiga reer Jabuuti Munaasibada, Xuska iyo Dabaal-degga 27-June oo ku beegan Maalintii uu shacbiga reer Jabuuti Madaxbanaanidiisa ka qaatay Mastacmaradii France-ka.

 

Madaxweynuhu Waxa uu Madaxweyne Geelle iyo Shabcigiisa Reer Jabuutiba u rajaynayaa inay Sannadkan, Sannadkiisa ku Gaadhaan Guul iyo Barwaaqo,

 

Isla markaana waxa uu ku hambalyeynayaa horu-marka ay dawlada Jabuuti ka Samaysay Dhinacyada Dhaqaalaha, Nabad-gelyada iyo IWM.

 

Ugu danbayna Madaxweynuhu waxa uu Shacbiga Jabuuti iyo Dawladiisa kula dardaarmayaa inay halkaa ka wadaan Dedaalkooda oo ay dhan uga soo wada jeedaan horu-marka ay imikaba inta muuqata ku talaabsadeen. Ciid Wanaagsan Ciid Wanaagsan Ciid Wanaagsan.”