Somaliland president Congratulates his people on independence day (26 June)

[Xaaji Xunjuf]

War-saxaafadeed: Madaxwaynaha Somaliland Oo Guud Ahaan Shacabka Ku Hambalyeeyay Sanad-Guuradda 51-aad Ee Ka Soo Wareegtay Xornimadda Dalka.

 

Hargeysa (Ramaas) June 25,2011 - Madaxweynaha Somaliland Md. Axmed Maxamed Maxamuud (Siilaanyo) ayaa hambalyo u diray guud ahaan shacabka Somaliland gudo iyo dibadba sanad-guurada 51-aad ee ka soo wareegtay wakhtigii Jamhuuriyadda Somaliland ay xornimadeedii ka qaadatay gumaystihii Ingiriiska 26-kii bishii June 1960-kii oo barri ku beegan.

 

War-saxaafadeed kooban oo uu soo saaray afhayeenka aqalka Madaxtooyadda Somaliland Cabdilaahi Maxamed Daahir (Cukuse), isla-markaana Madaxwayne Axmed Siilaanyo shacabka ku hambalyeynayo maalintan ayaa isaga oo dhamaystiran waxa uu u dhignaa sidan “Madaxweynaha JSL, Mudane Axmed Maxamed Maxamuud ( Siilaanyo) Isaga oo ku hadlaaya Magaciisa iyo Ka Qaranka Somalilandba waxa uu Hambalyo iyo Boogaadin u dirayaa Dhamaanba Shacbiga Reer Somaliland Meel kasta oo ay joogaanba, Dalka Gudihiisa iyo Debadiisaba, Xuska, Munaasibada Sannad Guurada 51-aad ee ka soo Wareegtay 26-June-1960 oo ah Maalintiii ay Somaliland Madaxbanaanideeda ka qaadatay Mastucmaradii Boqortooyada Ingiriiska UK.

 

Madaxweyne Axmed Maxamed Maxamuud waxa uu Shacbigiisa reer Somaliland u rajaynayaa inay Sannadkan sannadkiisa ku gaadhaan nabad,guul iyo Barwaaqo, waxaanu ugu baaqayaa in ay dhan uga soo wada jeedaan adkaynta nabad-gelyada iyo qaranimada Somaliland isaga oo ku ammaanaya sida ay markasta heeganka ugu yihiin ilaalinta iyo difaaca Qarannimada Somaliland.”

[Saalax]

Excellent.