Somalia: Puntland Health Ministry delivers service to SOOL rural population..

[General Duke]

Garoowe:Gurmad caafimaad oo kasocda Puntland oo markii ugu horaysay kaalmooyin deg deg ah kawada deegaano fog fog oo katirsan gobolka Sool.

6. april 2011

 

APL

 

Garoowe:(Allpuntland)-Gurmad caafimaad oo balaaran oo kasocda Wasaarada caafimaadka ee dawlada Puntland ayaa gaaray deegaano fogfog oo katirsan degmada Taleex ee gobolka Sool halkaas oo ay ka jiraan xaalad culus oo bini aadantinimo kuwaas oo ay Abaar xun & cuduro ay abaartu keentayba ka jiraan,waxaana gurmadkani ay tageen meelo badan oo kamid ah degmada Taleex ee gobolkaas oo ah meelaha ugu daran ee ay abaartu sanadkaan saamaynta balaaran ku yeelatay.

 

Gurmadkan caafimaad oo uu hogaaminayey isuduwaha wasaarada caafimaadka dawlada Puntland ee gobolka Sool ayna ku jireen dhakhaatiir caafimaad & kalkaaliyeyaal sarsare ayaa dawooyin qaybin ka sameeyey dhulka miyiga ah ee deegaanada Laaso-Curdan,Godaalo & Carrooley oo kamid ah degmada Taleex,waxaana sidoo kale uu gurmadkan caafimaad qaabilay boqolaal dadweyne ah oo ay cuduradu soo riteen kuwaas oo xaaladoodu ay liidatay,waxaan ay dadkaasi mahadnaq u direen madaxda wasaarada Caafimaadka Puntland ee xaaladooda wax ka qabatay.

 

Isduwaha Wasaarada caafimaadka dawlada Puntland ee gobolka Sool Cabdiraxmaan Cumar Cadde oo kusugan deegaanka Godaalo oo 85-Km u jirta degmada Taleex ee gobolka Sool ayaa APL u sheegey in ay qaabileen in kabadan 400-Ruux kuwaas oo ay soo riteen cudurada yimaada waqtiyada abaarta oo ay ugu daranyihiin Burukiitada caruurta ku qabata kulaylka,wuxuuna intaas kudaray in ay dadka qaarkood xaaladoodu liidato islamarkaasna ay meelaha qaar ka bixiyeen dawooyin,isagoo intaas kudaray in ay jiraan dad badan oo ay nafaqo dari haysay oo ay iyagana qaabileen kuwaas oo uu sheegey inay dawooyin siiyeen,isagoo sidoo kalena sheegey inay jiraan shuba biyood meelaha qaarkood ka jira.

 

Cabdiraxmaan Cumar wuxuu sheegey in ay weli sii wadayaan gargaarka ay halkaas kawadaan oo uu sheegey inay rajeynayaan in ay dadbadani u hamuun qabaan,waxaana uu ka deyriyey xaalada deegaanadaas oo ay ugu daranyihiin ceelashii Bamka ahaa oo jabay iyadoo intabadan dadku ay cabaan biyaha ceelal afka ka banaan kuwaas oo xataa biyaha la cabayo badalay midabkooda aysanna dadku sii cabi karin,waxaana gurmadkan oo tagay dhul aad u fog uu kamid noqonayaa qorshay wasaarada Caafimaadka dawlada Puntland oo sanadkaan qorshaheeda ku dartay gaarista deegaanada aadka uga fog laamiga,isagoo isuduwaha wasaarada Caafimaadku uu mahadcelin balaaran u diray madaxda Wasaarada oo uu sheegey inay xil weyn iska saareen wax u qabashada dadka ay abaartu saamaysay.

 

Cabdiqani Xayir

Allpuntland