Khawaarij Shabaab ah oo ku geeriyootay Qarax ay diyaarinayeen

[oba hiloowlow]

Shan ka tirsam Maleeshiyaadka Khawaarijta Shabaab ayaa ku geeroyootay Qarax ka dhashay gaari ay ku diyaarinayeen walxaha Qarxa kaas oo habeenkii xalay ka dhacay deegaanka Laanta buuro ee Gobolka Shabeelaha hoose.

 

Sida ay muujinayaan ilo wareedyo lagu kalsoonaankaro waxaa abaarihii Sideedii fiidnimo ee habeenkii xalay uu Qarax xoogani ka dhacay deegaanka Laanta buuro ee Gobolka Shabeelaha hoose, kaas oo sida la xaqiijiyay ka dhashay gaari ay Khawaarijta Shabaab ku diyaarinayeen walxaha Qarxa, si ay ugu dhibaateeyaan Shacabka Soomaaliyeed.

 

Qaraxaasi ayaa waxaa ku geeriyooday Shantii qofood ee diyaarineysay kuwaas oo Afar ka mid ah ay Soomaali ahaayeen halka midka kalena uu ahaa ajnabi u dhashay dalka Suuriya, sida ay xaqiijinayaan ilo wareedyo lagu kalsoonaankaro.

 

Magacyada Khawaarijta ku geeriyootay Qaraxaasi oo uu Radio Muqdisho helay ayaa waxa ay kala yihiin, Abuu Yuusuf Almujaahid oo ahaa Ajnabi u dhashay dalka Suuriya oo isagu kooxda Khawaarijta u qaabilsanaa farsameynta Qaraxyada lagu waxyeeleeyo shacabka Soomaaliyeed, C/shakuur Aweys Yuusuf, Maxamed wali Jareere, Maxamed Aadan Yariisoow iyo Kuusoow Cabdiyoow.

 

Horjoogayaal iyo Maleeshiyaad ka tirsan kooxda Khawaarijta Shabaab ayaa hore ugu nafwaayay Qaraxyo dhagar ah oo ay u maleegayeen ummada Soomaaliyeed, kuwaas oo ku qarxay intii ay ku gudajireen diyaarinta Qaraxyadaasi, waxaana xusid mudan in Qaraxyada ismiidaaminta ah ee kooxdaasi khawaarijta ah ay la eegtaan goobaha uu shacabku ku badanyahay taas oo muujineysa sida ay Khawaarijtu u baneeysteen daadidinta dhiiga shacabka Soomaaliyeed ee aan waxba galabsan..

[Somalina]

Kuwii ajaanibta sida wax loo qarxiyo baraayey ayaa casharka si fiican ugu dhigin.

Intey muslim qarxi is lahaayeen ayey isqarxiyeen wallee.