Somalina Posted January 31, 2011 Isniin, 31 Janaayo, 2011 (HOL) – Qaraxan oo ahaa mid aad u xoog badan ayaysan jirin cid ku geeriyootay ,isla markaana ku dhaawacantay,waxaana lala eegtay gaariga ku simaha xeer-ilaaliyaha gobolka Bari Dhame Bashiir Ismaaciil Axmed oo loo yaqaan Hoobaleey. Waxaa la sheegay in qaraxan uu ahaa nooca dhulka lagu aaso, waxaana uu ka dhacay agagaarka Xalwo Kismaayo oo ku taala bartamaha magaalada Bosaaso. "Sida aan warbixinta ku hayno ma jirto cid ku geeriyootay qaraxan waan uu bad-baaday masuulka lala beegsaday "ayuu yiri taliyaha saldhiga bartamaha Bashiir Cabaase oo HOL u waramay. Gaariga ayaa khasaaraha ugu badan ee qaraxu uu gaaray ,waxaana la sheegay in xiligaas ay wada socdeen taliayaha qaybta baarista danbiyada gobolka Bari Siciid Sheekh Maxamuud iyo ku simaha xeer-ilaaliyaha. Qaar ka mid ah ciidamada amniga ee degmada ayaa gaaray goobta uu qaraxa ka dhacay ,iyaga oo rasaas ku kala cayriyay tiro dad ah oo kusoo xoomay goobta uu qaraxani ka dhacay. "Baaritaan lagu daba joogo dadkii arintan dhigay ayaa soconaya, marka waa in laga qayb qaataa amniga gobolka "ayuu hadalkiisa ku daray taliyaha saldhiga bartamaha. Ugu danbayntii, magaalada Bosaaso ayaa labadii bilood ee ugu danbeeyay aaney ka dhicin wax qarax ah ,waana qaraxii ugu horeeyay oo masuul dowlada ka tirsan lala beegsado tan iyo bilowga sanadkan cusub. Faisel Maxamed Hassan,Hiiraan Online Boston@hiiraan.com Boosaaso, Somaaliya Quote Share this post Link to post Share on other sites
