DOWLADA “Waqtiga inoo harsan Qaramada Midoobe waxba kama gelin, ee shacabka baa go’aan ka gaari kara

[oba hiloowlow]

Kadib markii ay Qaramada Midoobe *****lka ka qaaday in xukuumadda madaxweyne Shariif ay u harsan tahay todobo bilood oo qura ayaa waxaa amuurtaasi ka hadashay dowladda kmg ee Soomaaliya.

 

Wasiirka Arrimaha Dibada ee dowladda Soomaaliya Maxamed C/Laahi Oomaar oo ku sugan magaaladda Addis Ababa ee dalka Itoobiya ayaa wuxuu ku qabtay shir jaraa’id, wuxuuna *****lka uu ka qaaday in waqtiga u harsan xukuumadda Soomaaliya ay taasi go’aan cad ka gaari karayaan shacabka Soomaaliya, isla-markaana ay taasi shaqo iyo shuqul toona laheyd Qaramada Midoobe.

 

Wasiirka ayaa ku nuux-nuux-saday in shacabka Soomaaliya ay go’aan cad ka gaari karaan xilliga u harsan dowladda uu madaxweynaha ka yahay Shariif Sheekh Axmed, isla-markaana shacabka waxaa looga fadhiyaa buu yiri go’aan ka gaarista xilliga madaxweynaha.

 

Sidoo kale Maxamed C/Laahi Oomaar ayaa sheegay in dowladda Soomaaliya ay ku mashquulsan tahay, qaabka ay uga tukha-lisi laheyd xoogaga Xarakada Al Shabaab oo dagaalo xoogan kala soo horjeeda xukuumadda kmg ee Soomaaliya.

 

Dhanka kale Wasiirka Arrimaha Dibada ee dowladda kmg ee Soomaaliya Maxamed C/Laahi Oomaar ayaa sheegay in Qaramada Midoobe ay go’aan ka gaari karto arrimaha dalka Somaliya, waa marka buu yiri ay shacabku Soomaaliyeed xukmin waayaan waqtiga u harsan xukuumadda Soomaaliya.

 

Hadalkaan kasoo yeeray Maxamed C/Laahi Omaar ayaa wuxuu kusoo aadaayaa, xilli Qaramada Midoobe ay *****lka ka qaaday in madaxweyne Shariif uu u harsan oo qura todobo bilood, isla-markaana dalka Soomaaliya loo-sameyn doono doorasho, lagu soo dooranaayo madaxweynihii hogaamin lahaa dalka.