Shabaab oo waxgarad ku xirxiray Sh/dhexe

[oba hiloowlow]

Maleeshiyaadka Shabaab ee gobolka Sh/dhexe ayaa xabsiga dhigay in ka badan 20 Oday dhaqameed, taas oo jawaab u ah dagaal shalay deegaano kala duwan oo deegaanka ah ku dhex maray Shabaab iyo Xoolo dhaqato.

 

Dagaalladan oo ka dhacay maalinimadii shalay gobolka Shabeelaha Dhexe gaar ahaan degmada Warshiikh iyo degaano kale oo hoos yimaada Xawaadleey waxa uu dhex maray maleeshiyada Alshabaab iyo dad xoolo dhaqato ah.

 

Warar aanu ka helnay degmada Warshiikh ayaa sheegaya in dagaalkaasi ay ku dhinteen illaa iyo 10 qof oo afar ka mid ah ay yihiin dadka degaanka,waxaana la cadeeyey in maleeshiyada Al-shabaab uu qasaare lixaad leh uu ka soo gaaray dagaalkaasi.

 

Maleeshiyada kooxda Al-shabaa waxaa dagaalkaasi ugu geeriyootay sida wararka ay xaqiijiyeen ilaa 3 ruux iyo tiro kale oo aan la hubin in ay uga dhaawacmeen.

 

Xaaladda degaanadii lagu dagaalamay iyo degaano kale oo hoos yimaada ayaa lagu soo waramayaa in ay ka jirto xaalad kacsanaan ah waxayna maleeshiyada Alshabaab ugaarsasho ku hayaan dadka xoolo dhaqatada ah.

 

Horey ayeey maleeshiyada Alshabaab dadka degaanka ugu qasbeen in ay bixiyaan xoolo nool oo ay ku magacaabayaan Zako, waxayna xoola dhaqatadii ka bexeen degaanadii lagu diriray waxayna isku soo abaabulayaan meelaha hawdka ah si ay ugu soo rogaal celiyaan maleeshiyooyinkaas in dhawaalaba ku haayey dhibaatada