Farmaajoha Muqdisho ma Riyoonayaa Mise waa ka garasho

[Saalax]

Written by Ibrahim Duale Suleiman

Jan 19, 2011 at 12:20 PM

 

Dadka siyaasiyiinta sheegta ee somalia gaar ahaan kuwan gacan ku rimiska ah ee banaanka laga soo macmalo, laguna ilaaliyo Villa Somalia waxa aad moodaa inay dal iyo dad ka taliyaan, waa hubaal inay yihiin tools cidi ku adeegato,dawladaha jaarka ah ha noqdaan ama meelo mandaqadda ka baxsan ba ha noqotee.

 

Waxa aanay marnaba ku kala duwanayn horbooda yaasha Villa Somalia inay dadafeeyaan xaqqa shacabka Somaliland u leeyahay aaya ka tashigooda iyo weliba xaqiiqada dhabta ah ee jirta.

Waxa aan tusaale yar u soo qaadanayaa sida dawladaha Carbeed waagu dushooda oga beryay siday oga soo horjeedeen rabitaanka shacabka Koonfurta Sudan oo aftidii ka hor carabtu ka dhego adaygtay.

 

Haddaba Kooxaha Muqdisho ku sugan ee sheegta DKMG ee uu horkaco Shiikh Shariif iyo raiisal wasaare ku sheeggiisa waxa aad moodaa Gurayadii ciidda madaxa gashan jirtay iyada oo is leh cidi kuma aragto.

Ninka lagu magacaabo Farmaajo waxa aan leeyahay saaxiib adeerkaa Siad bare xabaasha ku soo warayso waxa somaliland ka soo qabsaday,adiguna haddii aad isleedahay somaliland waad hagardaamayn kartaa weli waxa kaa dhiman waayo aragnnimo iyo taariikh dheer oo dadka afsoomaaliga ku hadla soo maray.

 

Farmaajo ha ka tooso riyadan uu isku qanciyay madaxda somaliland taariikhda ha gasho, saaxiib kuwii hore ee midnimadii fashilantay ka soo qayb galay ayaa taariikh madaw ku leh somaliland kuwan maanta joogaana rabitaanka shacabka ayay dalka ku hoggaamiyaan isagaana asal ah.

Madaxweynayaashi hore ee somalilandna rabitaanka shacabka ayay ku socdeen, Madaxweynaha maanta joogaana kama leexan karo waxii shacabku ugu codeeyeen.

 

Waxa aad kaaga khaldan Madaxda Somaliland maaha gacan ku rimi sida kuwa maxaabiista u ah AMISOM ee aan maamulkoodu gaadhin xafaadaha Muqdisho.

Madaxda Somaliland waxa ay ku yimaadeen doorasho xor ah oo dunidu ka markhaati ahayd.

Faarmaajo waxa ceeb ku ah shakhsiyadiisa haddii uu isleeyahay somaliland waxa keeni kara ama joojin karaa waa madaxda.

 

Xukuumadda somaliland waxa looga baahan yahay inay xoojiso dagaalka ka dhanka ah maamulka farmaajo ee gacan ku rimiska ah, xoogna u dardar geliso siyaasadda arrimaha debedda ee somaliland.

Shacabka somaliland guud ahaan iyo qurbajoogga gaar ahaan waxa looga baahan yahay inay qaawiyaan maamulka farmaajo iyo cadaawadda ay u hayaan shacabka somaliland.

 

Qurba joogga somaliland waxa looga baahan yahay inay xoojiyaan xidhiidhka caalamka ay la leeyihiin iyaka oo adeegsanaya magacyada ururada ay leeyihiin iyo weliba xidhiidhadooda shakhsiga ah iyaka oo awoodooda oo dhan ku wajihi doona dagaal aan waxba la isula hadhin maamulka liita ee Farmaajo.

 

 

 

http://www.qarannews.com/index.php?option=com_content&task=view&id=10037&Itemid=65