Shabaab oo degmada Afgooye dhalinyaro ka qafaashay

[oba hiloowlow]

Maleeshiyaadka Shabaab ayaa saacadihii ugu danbeeyay degmada Afgooye ka qafaashay 15 dhalinyaro ah.

 

Wararka uu Raadiyo Muqdisho ka helayo degmada Afgooye ee gobalka Shabeelada hoose ayaa sheegaya in maleeshiyaadka Shabaab ay halkaasi ka bilaabeen howgal ay ku qafaalanayaan dhalinyarada dagmadaasi si ay ugu biiriyaan dhalinyarada ay hore u marin habaabiyeen oo ay u adeegsadaan colaada ay ka wadaan Magaalada Muqdisho iyo qaar ka mid ah gobalada dalka

 

Howgalkii ugu danbeeyay ee ay maleeshiyaadkaasi ay saacadihii la soo dhaafay ka fuliyeen deegaanka Afgooye ayey ku qafaasheEn 16 dhalinyaro ah oo ku sugnaa gudaha dagmadaasi. waxaana dhalinyarada deegaankaasi ay bilaabeEn in ay ka maataan maleeshiyaadkaasi, iyadoona waalidiin fara badan caruurtooda ay horay ugu la carareen dagmadaasi, waxayna caruurtooda u soo direen deegaanada ay dowladu maamusho ee Magaalada muqdisho.

 

Tadabaad ka hor yaey aheeyd markii maleeshiyaadka Shabaab ay dadka deegaanka ku amreen in ay caruurtooda soo wareejiyaan si ay ugu qeyb galiyaan dagaalada ay maleeshiyaadkaasi ka wadaan gudaha dalka , taasina waxa ay qeyb ka tahay tacadiyada ay kula kacayaan dadka Soomaaliyeed ee dhibaatadu ka soo gaartay dagaalada iyo abaaraha is biirsaday ee ka taagan dalka.

 

RM