Ciidamada Dowlada oo horumar ka gaaray dagaal maanta ka dhacay Muqdisho

[oba hiloowlow]

Saraakiisha ciidamada dowlada Soomaliya ee ku sugan aagaga degmooyinka Shibis iyo Cabdi Casiis ee waqooyiga magaalada Muqdisho ayaa sheegay in duhurnimadii maanta ay ku siqeen goobo hor leh kadib iska hor imaad kooban oo ka dhacay halkaasi.

 

Maxamed Maxamuud Saneey oo ka mid ah Saraakiisha ciidamada Dowlada KMG ah ee Soomaaliya oo Radio Muqdisho u waramayay ayaa sheegay in maanta dagaal kooban uu ka dhacay xaafado ka mid ah degmooyinka Shibis iyo Cabdi Casiis, waxa uuna tilmaamay in ciidamada Dowladu ay la wareegeen dhufeysyadii ay ku sugnaayeen Maleeshiyaadka Shabaab.

 

“qasaare farabadan oo isugu jira dhimasho iyo dhaawac ayeey ciidamada Dowladu u geeysteen Maleeshiyaadka Shabaab, oo maanta weerar ku soo qaaday fariisimaha ay ciidamada Dowladu ku leeyihiin degmooyinka Shibis iyo Cabdi Casiis, Ciidamaduna horumar ayeey ka gaareen dagaaladaasi” ayuu yiri Maxamed Maxamuud Saneey oo ka mid ah Saraakiisha ciidamada Dowlada ee aagaasi

 

Hadalka sarkalka ayaa imanaya kadib markii maleeshiyaadka Shabaab ay ku hungoobeen weerar ay maanta ku soo qaadeen fariisimo ay ciidamada Dowladu ku leeyihiin xaafado ka mid ah degmooyinka Shibis iyo Cabdi casiis.