Nin calooshiisa mugeed cambuulo ah cunay oo mutay 40-Karbaash lagana masaafuriyo Degmada Jalalaqsi

[oba hiloowlow]

Maamulka ururka Al-Shabaab ee ka taliya degmada Jalalaqsi oo ka tirsan gobolka Hiiraan ayaa sii kordhinaya awaamiirta iyo cadaadiska uu ku hayo degmadaasi degan tan iyo markii halkaasi uu kala wareegay ururkii burburay ee Xisbul Islaam, isla markaasina la wareegay dhammaanba goobihii waxbarashada iyo masaajida degmada Jalalaqsi, iyadoo xukunada ay ku dabaqayaan Shareecada Islaamka ay sheegeen dadka degaanka inaysan marnaba wax raad ah ku lahayn diinta Islaamka, hase yeeshee tallaabooyinkaasi ayay sheegeen dadka Jalalaqsi inay yihiin xukuno keli talisnimo ah.

 

Dhacdooyinka ugu waaweyn ee maleeshiyada Al-Shabaab ay ka sameeyeen degmada Jalalaqsi waxaa ka mid ah xukun ay ku fuliyeen nin lagu magacaabo Cabdi Nuur Duqow oo caan ka ah degmadaasi, kaddib markii uu calooshiisa mugeed ka cunay digsi saarnaa dab oo uu lahaa nin beeraley ah oo ay saaxibo ahaayeen.

 

Horjoogaha kooxda Al-Shabaab ee degmada Jalalaqsi oo dadka degmada ay u yaqaanaan "Hira" ayaa ninkaasi ku xukumay 40-Karbaash iyo in laga masaafuriyo magaalada, bacdamaa cambuulada uu ku cunay si xatooyo ah, hase yeeshee dadka degaanka ayaa xukunkaasi ku tilmaamay inuu yahay mid ka baxsan shareecada Islaamka, bacdamaa ninka aanu xadin digsiga iyo cuntadii ku jirtay balse uu ka cunay calooshiisa mugeed.

 

Dhibane Cabdi Nuur Duqow oo inta aan lagu fulin xukunka lagu soo wareejiyay suuqa ugu weyn degmada Jalalaqsi, waxaana arrintaasi cambaareeyay waxgaradka, culumaa'udiinka iyo dadka degmada Jalalaqsi, iyadoo wararka naga soo gaaraya qaar ka mid ah degmooyinka ka tirsan gobolka Hiiraan ay sheegayaan inay dadka reer miyiga ah ay bilaabeen kacdoon ka dhan ah maleeshiyada ururka Al-Shabaab.

 

Duleedka degmada Jalalaqsi oo ah dhul buuraley ah ayaa la sheegayaa inay ka socdaan dhaqdhaqaaqyo ka dhan ururka Al-Shabaab, waxaana halkaasi oo ay isku urursadeen rag xoolo dhaqato ah isla markaasina aad u hubeysan, kuwaasi oo iyagu ka horjeeda gebi ahaanba maamulka ururka Al-Shabaab ee gobolka Hiiraan.

[Showqi]

oba hiloowlow;687273 wrote:

Dhacdooyinka ugu waaweyn ee maleeshiyada Al-Shabaab ay ka sameeyeen degmada Jalalaqsi waxaa ka mid ah xukun ay ku fuliyeen nin lagu magacaabo Cabdi Nuur Duqow oo caan ka ah degmadaasi, kaddib markii uu calooshiisa mugeed ka cunay digsi saarnaa dab

oo uu lahaa nin beeraley ah oo ay saaxibo ahaayeen

.

Oba, Al Shabaab waxkasta wey ka suurtoowdaa. Ninkan miiskinka ah saxiibkiis aa dacweeyey aan u maleynaa?

[oba hiloowlow]

loool war kuwan halkaay ka yimaaden Soomaali ba mahee. Ma ogi bro hadii uu dacweeye laakin waa arin lala yaabo

[AYOUB]

Sarbeeb weeye warku fadlan filinka fahma. Mise fartii waaweynayd ee A&T oo kale baad dooneysaan.

[oba hiloowlow]

filinka waala fahmee 48 days baa haray markaas ayaa wax lagu farxo la arki inshallah

[AYOUB]

What 48 days?

[oba hiloowlow]

qorshihii 100ka maalmood 48 days ayaa ka haray.

[AYOUB]

Oki. Haddaba Duqa waa inuu iska sooma digsigana farahiisa kaa ilaashado ilaa iyo intay qorshahaas 100ka cisho dhamaanayo. Gacani waa miskiin baa layidhi.

[oba hiloowlow]

Aaahey inshallah kheyr Somalia will Rise again