Somalina Posted January 10, 2011 :D Ciidamada Ammaanka ayaa maanta gacanta ku dhigay nin ku labisnaa labiska Haweenka oo isku dhex qariyay Haween ka shaqeynayay Nadaafadda degmada Wardhiigleey. Wariye Maxamed xasan Xabeeb oo Radio Muqdisho ka tirsan ayaa ku warramay in ninkaan oo wata Jalbaab, Indhoshareer iyo waliba Cabaayad uu muddo ku dhex jiray Haween badan oo ka shaqeynayay nadaafadda, ka hor inta aysan ka shakin Haweeneey uu cabitaan ka iibsaday ooo aragtay qaar ka mid ah Wajigiisa xilligii uu biyaha cabayay. Haweeneydaas ayaa Ciidamada Booliska u sheegtay qofkaan ay ka shakisay oo ay ciidamadu durbadiiba Istaajiyeen, “Gacmaha kor u taag ayay dhaheen ciidamadu, kaddibna waxaa laga qaaday Indhashareerkii, waaba nin oo ger iyo shaarib leh” ayay Haweeneysaasi sheegtay. :D Ciidamada Ammaanka ayaa u taxaabay Saldhigga ay ciidamada ammaanku ku leeyihiin Wardhiigleey oo iminka su’aalo lagu weydiinayo. Saraakiisha ciidamada Booliska oo aan xiriir la sameynay ayaa noo sheegay in ay wali gacanta ku hayaan kiiska dhawaana saxaafadda loo soo gudbin doono warbixin faahfaahsan oo ku saabsan ninkaasi. Quote Share this post Link to post Share on other sites
