Bari Football Team Return To Bossaso and Recieve A Champion's Welcoming. PICS

[Abdirazak_PTL]

Ciyaartooyda Gobolka Bari Oo Si Weyn Loogu Soo Dhaweeyey Magaalada Boosaaso(Sawiro)

January 3, 2011 | 6 comments

Share

 

 

Ciyaartooydii gobolka Bari uga qaybgashay Ciyaarihii gobollada Soomaaliya ee ka dhacay magaalada Garoowe ayaa si weyn maanta loogu soo dhaweeyey gudaha magaalada Boosaaso ee xarunta gobolka Bari.

 

Mas’uuliyiin iyo dadweyne farabadan oo isugu jira ganacsato,haween,dhalinyaro iyo maamulka degmada Boosaaso ayaa uga hortagay Ciyaartooyda dhanka Koonfureed ee laga soo galo magaalada Boosaaso.

 

Intaasi ka dib ayaa loo soo gelbiyey gudaha magaalada,waxaana si diiran u soo dhaweeyey dadweynaha kunool magaalada Boosaaso kuwaasi oo lulalay caleemo qoyan.

 

Ciyaartooydaasi ayaa soo dhaweyn ka dib waxaa qado sharaf u sameeyey Mulkiilaha Hotel Jubba Cabdiladiif Yuusuf Barre oo si weyn uga qaybqaatay kaalinta ay maanta taagan yihiin Ciyaartoodu.

 

Ganacsade Cabdiladiif Yuusuf Barre oo ugu horayn ka hadlay qodo sharafta ayaa sheegay in Ciyaartooyda gobolka Bari kusoo dhawenayaan marka hore qalbi furan iyo gacmo furan.

 

Cabdiladiif Yuusuf Barre ayaa sidoo kale sheegay in dhalintaan ku Ciyaareysay magaca gobolka Bari ay usoo hoyeen sharaf weyn oo aan lasoo koobi karin.

 

…”Haddii ay galeen kaalinta labaad,waa guul sharaf iyo magac weyn u keentay magaca gobolka Bari,aniga waxaan qabaa haddii ay kaalinta kowaad geli waayeen waxaa gabay doorkii ay ka qaadan la haayeen dadweynaha,ganacsatada iyo maamulka ku dhaqan gobolka Bari…”ayuu yiri.

 

Intii ay socotay qodo sharafa ayaa sidoo kale waxaa hadlo mahadnaq,guubaabo iyo baraarujin isugu jirata soo jeediyey haween,ganacsato,isimo iyo maamulka degmada Boosaaso,kuwaasi oo sheegay in ay sameeyaan Ciyaarooydu dadaal dheeri ah si ay kaalinta kowaad uga galaan Ciyaaraha gobolada Soomaaliya mustaqbalka dhow.

 

Si kastaba ha ahaatee Ciyaartooyda gobolka Bari ayaa kaalinta labaad ka galay Ciyaarihii gobolada Soomaaliya ee lagu qabtay magaalada Garoowe ee caasimada Puntland.

 

Cismaan Turaabi

Horseed Media

Boosaaso,Puntland

 

 

 

 

 

 

 

 

[Abdirazak_PTL]