Puntland Chamber Of Commerice Bringing Job Creation Program To Local Youths

[Abdirazak_PTL]

 

Gudoomiyaha Rugta Ganacsiga Puntland oo Ka Warbixiyey Shirar uu kasoo qaybgalay oo Ka Dhacay Jabuuti

 

December 31, 2010 | 2 comments

Share

 

 

Guddoomiyaha Rugta Ganacsiga iyo Warshadaha Puntland Maxamuud Xayir Ibraahim oo dib ugu soo laabtay deegaanada Puntland ayaa ka waramay safar shaqo uu dhowaan ku tegay Dalka Jabuuti halkaasi oo uu kaga soo qaybgalay shir looga hadlaayay Ganacsiga iyo kor uqaadista dhaqaalaha Soomaliya.

 

Wuxuu sheegay in shirka ka dhacay Dalka Jabuuti uu ahaa laba qaybood oo qayb ka mid ah ay qabatay Hay’adda EDC isla markaana looga hadlay qaabkii shaqo abuuris loogu samayn lahaa dhalinyarada qaybahooda kala duwan.

 

Gudoomiyaha ayaa xusey in shirkaasi laga soo saaray go’aamo muhiim ah oo ku saabsan sidii shaqo abuuris loogu samayn lahaa dhalinyarada Soomaliyeed ee ku dhaqan deegaanada Puntland ayna rajaynayaan dhowaan inay fuliyaan madaxdii shirka ka soo qaybgalay oo isugu jiray Masuuliyiin degmo iyo Madaxda Hayadda EDC oo ay udireen Codsi ku aadan in gacan laga siiyo Sidii Dhalinyarada Soomaaliyeed loo bari lahaa habab ay ku shayqaystaan oo isugu jirta Waxbarashada Aas Aasiga ah iyo Farsamooyinka Gacanta.

 

Gudoomiyaha ayaa dhinaca kale sheegay in Dalka Jabuuti uu kaga soo qaybgalay Shir ay soo qabanqaabisay Hay’adda US Aid kaasi oo lagu martiqaaday Masuuliyiin ka socotay Puntland,Galmudug iyo Dowladda Federaalka ee Soomaaliya,waxaana uu tilmaamay in shirkaasi looga hadlay kor u qaadista Dhaqaalaha Soomaaliya islamarkaana laysku afgartay in xooga la saaro Hormarin Xoolaha Soomaliya, Kalluumaysiga iyo Beeraha.

 

Ugu dambeyntii wuxuu sheegay in dhamaanba xubnihi kala duwanaa ee ka qaybgalay shirka ay soo dhoweyeen qaabka ay u shaqeyso Rugta Ganacsiga Puntland ayna ku dhiirageliyaan in la balaariyo dalladaha kala duwan ay ka kooban tahay.

 

Maxamuud Cabdi Ibraahim

Horseed Media