Garowe: TFG Minister of Planning International cooperation in Puntland State..

[General Duke]

 

Wasiirka Qosheynta Dawladda Federaalka oo Ka Warbixiyey Safarka uu Ku Joogo Garoowe

December 20, 2010 | 0 comments

Share

 

Raysalwasaare Kuxigeenka ahna Wasiirka Qorsheynta iyo Xirrirka Caalamiga Dawladda Federaalka ee Soomaaliya ayaa ka waramay safar uu kusoo gaarey dhowaan magaalada Garoowe ee caasimada Puntland.

 

Proff:Cabdiweli Maxamed Cali Gaas oo wareysi gaar ah siinayay warbaahinta Horseed Media ayaa sheegay in ula kulmay Madax ka tirsan Dawladda Puntland oo ugu horeeyo Madaxweyne Dr.Cabdiraxmaan Sheikh Maxamed Faroole.

 

Raysalwasaare kuxigeenka ayaa soo dhoweeyey ciyaaraha gobolada Soomaaliya ee kasoconaaya xilligaan magaalada Garoowe kuna tilmaamay mid aduun weynaha ay soo dhoweyeen.

 

Wuxuu beeniyey in khilaaf ama mugdi ay ka dhaxeyso Dawladda Federaalka iyo Dawladda Puntland isagoo tilmaamay in Madaxweynaha Puntland iyo Raysalwasaare Farmaajo ay dhowaan qaateen kulan muhiim ah oo ay kaga hadleen xirrirka labada dhinac,kulankaas oo ka dhacay magaalada Jabuuti.

 

”…Mugdi weyn oo u dhaxeeya TFG-da iyo Puntland aad uma ogi,wax mushkilad weyn hadda ma jirto…”,ayuu yiri.

 

Proff:Cabdiweli waxaa uu intaas raaciyey in xirrirka hadda ee labada maamul la rajeynaayo inuu sii horumaro oo kasii wanaagsanaado.

 

Dhanka kale Raysalwasaare kuxigeenka oo hogaaminaayay Guddi loo magacaabay xalinta beelaha ku dagaalamay duleedka Gaalkacyo ayaa rajo wanaagsan ka muujiyey xalinta labadaas beelood isla markaana la gaarey natiijooyin hordhac ah.

 

Horseed Media